FEDHA ZA WADAU WA MAENDELEO ZITUMIKE KUTATUA CHANGAMOTO ZA WANANCHI.

-

Na. WAF, Dar Es Salaam

Watalamu wa Afya nchini, wametakiwa kuwa wazalendo katika kusimamia fedha zinazotolewa na  wadau wa maendeleo, ili kuhakikisha wanatatua  changamoto mbalimbali zinazowakabili wananchi kama ilivyo adhma ya Serikali ya awamu ya sita chini ya Mhe. Rais Dkt. Samia Suluhu Hassan. 

Wito huo  umetolea Jijini Dar es Salaam na Naibu Waziri wa Afya Dkt.Godwin Mollel  mara baada ya kufunga  kikao kazi cha tathmini ya namna Tanzania ilivyoweza kukabiliana na mlipuko wa ugonjwa wa UVIKO-19.

Dkt. Mollel amebainisha  kuwa  wadau wengi wamekuwa wakileta fedha nyingi kwenye sekta ya afya, lakini fedha hizo zimekuwa hazitumiki ipasavyo katika kusaidia sekta hiyo, huku nyingine zikiishia kutumika katika semina na makongamano na kupelekea kushindwa kuwanufaisha wananchi ambao ndiyo walengwa. 

“Zinakuja fedha nyingi kutoka kwa wadau, lakini tukishuka chini katika ngazi ya msingi hatuoni matokeo chanya, tuige mfano wa Mhe. Rais  Dkt. Samia Suluhu Hassan namna alivyotumia fedha za COVID katika kuboresha huduma za afya nchini mfano katika ngazi ya msingi kumejengwa majengo ya dharura na majengo ya wagonjwa maututi.” Amesisitiza Dkt. Mollel.

Akizungumzia kuhusu zoezi la tathmini baada ya kukabiliana na mlipuko wa UVIKO-19 Dkt. Mollel amesema yapo mengi ya kuzungumzia katika tathmini hiyo, hivyo ni jukumu la wataalamu na wadau walioshiriki kwenye kikao hicho kuhakikisha tathimini yao inakuja na matokeo chanya ya kuleta tija kwa wananchi.

Kwa upande wake Kaimu Mkurugenzi wa Huduma za Dharura na Maafa Wizara ya Afya, Dkt. Angela Samwel amesema mapendekezo yote yaliyotolewa na watalaamu pamoja na  wadau walioshiriki kwenye tathmini hiyo yatachukuliwa kama sehemu ya kupokea masuala yote mazuri na kuboresha mapungufu yaliyojitokeza wakati wa kukabiliana na mlipuko wa UVIKO-19

Dk. Angela ameongeza kuwa Tathmini ya namna nchi ilivyokabiliana na mlipuko wa UVIKO 19 imehusisha wadau mbalimbali kutoka Wizara mbalimbali ikiwemo, Taasisi za Serikali, Hospital za Taifa, Hospital binafsi, Waganga wakuu wa mikoa,wadau wengine kutoka Mashirika ya  Umoja wa Mataifa na Wadau wengine wa Maendeleo.

MWISHO:

Maoni

Chapisha Maoni

Machapisho maarufu kutoka blogu hii

MATOKEO YA UTAFITI WA HALI YA LISHE YA WANAFUNZI SHULE YA MSINGI YATOLEWA

-
Picha
Taasisi ya Chakula na Lishe Tanzania kwa kushirikiana na Mpango wa Taifa wa Kudhibiti Malaria imetoa matokeo ya utafiti wa hali ya lishe ya wanafunzi wa Shule za Msingi uliofanyika mwaka 2021 na kuhusisha mikoa 26 ya Tanzania bara. Utafiti huo ulihusisha shule za umma 650 na wanafunzi 64,465 ulilenga kutathimi kiwango cha Maambukizi ya Malaria na Utapiamlo miongoni wa wanafunzi, ambapo katika viashiria vya lishe, utafiti huo umebaini wanafunzi waliopo katika shule za msingi bado wana changamoto nyingi za kilishe zinazowakabili. Akiwasilisha taarifa za utafiti huo kwa wadau mbalimbali wa lishe kutoka Idara za Serikali, Mashirika ya Kimataifa, wadau wa maendeleo, asasi za kiraia na wadau wengine, Afisa Lishe Mtafiti kutoka Taasisi ya Chakula na Lishe Tanzania Dkt.Geofrey Mchau, amesema wameweza kubaini wanafunzi wengi bado wana lishe duni, uzito uliopungua, uzito uliokithiri na upungufu wa damu kwa kiwango kikubwa. Dkt. Mchau amesema utafiti huo umebaini pia mazingira mengi yanayozun
Endelea Kusoma »

TFNC YAIBUKA MSHINDI WA JUMLA MAONESHO YA SIKU YA CHAKULA DUNIANI.

-
Picha
  TFNC YAIBUKA MSHINDI WA JUMLA MAONESHO YA SIKU YA CHAKULA DUNIANI 2020. Waziri wa Kilimo, Mhe. Japhet Hasunga (wa kwanza kushoto) akikabidhi zawadi ya mshindi wa jumla wa maonesho ya maadhimisho ya Siku ya Chakula Duniani kwa mwaka wa  2020 yaliyofanyika kitaifa mkoani Njombe kwa Bi Adeline Munuo kutoka  Taasisi ya Chakula na Lishe Tanzania, mara baada ya Taasisi hiyo kuibuka mshindi wa Jumla katika maonesho hayo yaliyofanyika katika Viwanja vya Lunyanyo mkoani humo. Afisa Lishe Mtafiti Mwandamizi kutoka Taasisi ya Chakula na Lishe Tanzania Adeline Munuo, akiwa pamoja na wafanyakazi wengine wa Taasisi hiyo, wakishangilia mara baada ya kupokea tuzo ya Ushindi wa jumla ya  Maonesho ya Maadhimisho ya Siku ya chakula Duniani kwa mwaka wa 2020 kutoka kwa Waziri wa kilimo Japhet Hasunga (Mwenye suti nyeusi), ambaye aliitimisha maadhimisho hayo, ambayo kitaifa yamefanyika mkoani Njombe. Afisa Lishe Mtafiti wa Taasisi ya Chakula na Lishe Tanzania Elizabeth Lyimo, akifurahi ushindi wa Taasi
Endelea Kusoma »

WANAFUNZI WANYWE MAZIWA SHULENI-UMMY MWALIMU.

-
Picha
  WANAFUNZI WANYWE MAZIWA SHULENI-UMMY MWALIMU. NA, TFNC DODOMA. Waziri wa Afya, Maendeleo ya Jamii, Jinsia, Wazee na Watoto Ummy Mwalimu amesema atamwandikia barua Waziri wa Elimu, Sayansi na Teknolojia, Profesa Joyce Ndalichako kutoa pendekezo kuanzia Septemba Mosi Mwaka huu, Kila shule ya Msingi na Sekondari iwe na kibanda cha maziwa kwa ajili ya wanafunzi kupata lishe. Kauli hiyo aliitoa Jijini Dodoma wakati wa uzinduzi wa siku ya Lishe Kitaifa ambayo kwa mara ya kwanza maadhmisho ya siku hiyo yanafanyika nchini yakiratibiwa na Taasisi ya Chakula na Lishe Tanzania kwa kushirikiana na Wizara ya Afya, Maendeleo ya Jamii, Jinsia, Wazee na Watoto pamoja na wadau wengine wa Lishe nchini. Waziri Ummy alisema kuanzisha vibanda vya maziwa shuleni hasa shule za kutwa, kutasaidia wanafunzi kuboresha afya zao, lakini pia kutasaidia kupanua soko kwa bidhaa hiyo muhimu. Waziri wa Afya, Maendeleo ya Jamii, Jinsia, Wazee na Watoto Ummy Mwalimu, pamoja na Naibu katibu Mkuu TAMISEMI (Afya)
Endelea Kusoma »