MATOKEO YA UTAFITI WA HALI YA LISHE YA WANAFUNZI SHULE YA MSINGI YATOLEWA

-

Taasisi ya Chakula na Lishe Tanzania kwa kushirikiana na Mpango wa Taifa wa Kudhibiti Malaria imetoa matokeo ya utafiti wa hali ya lishe ya wanafunzi wa Shule za Msingi uliofanyika mwaka 2021 na kuhusisha mikoa 26 ya Tanzania bara.

Utafiti huo ulihusisha shule za umma 650 na wanafunzi 64,465 ulilenga kutathimi kiwango cha Maambukizi ya Malaria na Utapiamlo miongoni wa wanafunzi, ambapo katika viashiria vya lishe, utafiti huo umebaini wanafunzi waliopo katika shule za msingi bado wana changamoto nyingi za kilishe zinazowakabili.

Akiwasilisha taarifa za utafiti huo kwa wadau mbalimbali wa lishe kutoka Idara za Serikali, Mashirika ya Kimataifa, wadau wa maendeleo, asasi za kiraia na wadau wengine, Afisa Lishe Mtafiti kutoka Taasisi ya Chakula na Lishe Tanzania Dkt.Geofrey Mchau, amesema wameweza kubaini wanafunzi wengi bado wana lishe duni, uzito uliopungua, uzito uliokithiri na upungufu wa damu kwa kiwango kikubwa.


Dkt. Mchau amesema utafiti huo umebaini pia mazingira mengi yanayozunguka shule hizo yanashawishi wanafunzi wengi kuwa na ulaji wa chakula ambacho si sahihi, kutokana na shule nyingi kuzungukwa na maduka, na vibanda vya wauzaji wadogo wadogo wa vyakula ambavyo si rafiki kwa afya za wanafunzi.

Akizungumzia juu ya tatizo la Upungufu wa damu kwa wanafunzi hao Dkt. Mchau amesema Utafiti huo umeonyesha asilimia 32% ya watoto wanaoenda shuleni wana tatizo la upungufu wa damu kwa kiwango kikubwa na maeneo ya ukanda wa bahari (Mikoa ya Pwani) na ile iliyopo kwenye ukanda wa ziwa Victoria ndiyo imeonekana kuwa na changamoto kubwa ya watoto upungufu wa damu

Dkt Mchau amesema tatizo jingine ambalo limeonekana kuwaathiri wanafunzi hao ni tatizo l;a uzito uliokithiri ambao wenyewe umebainika kuwa asilimia 3.8 huku ukondefu ukiwa ni asilimia 2.6.


Akizungumza wakati wa kufungua kikao cha kupokea taarifa hiyo, Mkurugenzi Mtendaji wa Taasisi ya Chakula na Lishe Tanzania Dkt. Germana Leyna amesema kuna haja ya kukusanya nguvu na kuweka rasilimali zaidi katika utekelezaji wa afua mbalimbali kwa kuzingatia mifumo rasmi ya kiutawala, kiutendaji, mila na desturi za maeneo husika.

Dkt.Germana amesema zifanyike tafiti nyingi zaidi zinazolenga kundi hili ambalo ni muhimu kwa maendeleo ya taifa na taarifa hizi ni budi zikaendelea kufanyiwa uchambuzi ili kupata maeneo yanayoweza kuleta matokeo ya haraka kuendana na kasi ya Serikali katika kuimarisha sekta ya Elimu na Afya.

Kwa upande wake mwakilishi wa shirika la Mpango wa Chakula Duniani (WFP) anayeshughulikia Lishe Bi Vera Kwara ambao wamefanikisha kufanyika kwa Utafiti huo, amesema taarifa zilizopatikana katika utafiti huo zitasaidia utekelezaji wa sera na hatua za haraka zinazoweza kutumika katika kuboresha hali ya lishe nchini.



Utafiti wa hali ya lishe ya wanafunzi shule ya Msingi uwa unafanyika kila baada ya miaka miwili, na ripoti hii ni mahsusi kwa sababu taarifa za wanafunzi hawa hazikusanywi kwenye tafiti nyingine kama za TDHS na ile ya TNNS, hivyo taarifa zinazopatika kwenye utafiti huu ni muhimu kwani huweza kutumika kutengeneza mipango inayoweza kutumika kutatua changamoto mbalimbali za kilishe.


Maoni

Chapisha Maoni

Machapisho maarufu kutoka blogu hii

TFNC YAIBUKA MSHINDI WA JUMLA MAONESHO YA SIKU YA CHAKULA DUNIANI.

-
Picha
  TFNC YAIBUKA MSHINDI WA JUMLA MAONESHO YA SIKU YA CHAKULA DUNIANI 2020. Waziri wa Kilimo, Mhe. Japhet Hasunga (wa kwanza kushoto) akikabidhi zawadi ya mshindi wa jumla wa maonesho ya maadhimisho ya Siku ya Chakula Duniani kwa mwaka wa  2020 yaliyofanyika kitaifa mkoani Njombe kwa Bi Adeline Munuo kutoka  Taasisi ya Chakula na Lishe Tanzania, mara baada ya Taasisi hiyo kuibuka mshindi wa Jumla katika maonesho hayo yaliyofanyika katika Viwanja vya Lunyanyo mkoani humo. Afisa Lishe Mtafiti Mwandamizi kutoka Taasisi ya Chakula na Lishe Tanzania Adeline Munuo, akiwa pamoja na wafanyakazi wengine wa Taasisi hiyo, wakishangilia mara baada ya kupokea tuzo ya Ushindi wa jumla ya  Maonesho ya Maadhimisho ya Siku ya chakula Duniani kwa mwaka wa 2020 kutoka kwa Waziri wa kilimo Japhet Hasunga (Mwenye suti nyeusi), ambaye aliitimisha maadhimisho hayo, ambayo kitaifa yamefanyika mkoani Njombe. Afisa Lishe Mtafiti wa Taasisi ya Chakula na Lishe Tanzania Elizabeth Lyimo, akifura...
Endelea Kusoma »

TUMIENI TAALUMA ZENU KUTATUA CHANGAMOTO ZA MASUALA YA CHAKULA NA LISHE KWENYE JAMII.

-
Picha
Na Mwandishi wetu-TFNC Mkurugenzi Mtendaji wa Taasisi ya Chakula na Lishe Tanzania Dkt. Germana Leyna, amefungua mafunzo elekezi kwa Waajiriwa wapya wa Taasisi, ambapo amewataka kutumia taaluma zao katika kusaidia kutatua changamoto mbalimbali za masuala ya chakula na Lishe zinazoikabili jamii. Dkt. Germana amesema mafunzo hayo ya siku tano yamelenga kuwawezesha waajiriwa hao kujua mifumo mbalimbali ya kiutumishi, itakayowasaidia katika kutatua changamoto hizo, na kutekeleza majukumu mbalimbali ambayo Taasisi imekabidhiwa na Serikali kuyatekeleza. Mkurugenzi Mtendaji wa Taasisi ya Chakula na Lishe Tanzania Dkt. Germana Leyna, akitoa maagizo  mbalimbali kwa waajiriwa wapya wa Taasisi ya Chakula na Lishe Tanzania (hawapo pichani) wakati wa ufunguzi wa mafunzo elekezi   kuhusu sheria, kanuni na taratibu mbalimbali za utumishi wa umma. “Mimi Matarajio yangu kwenu ni makubwa sana, mnisaidie kutatua changamoto za chakula na lishe kwa jamii na ndiyo changamoto ambazo sisi ...
Endelea Kusoma »