WAAJIRI WAHIMIZWA KUWASAIDIA WANAWEKA KUNYONYESHA WATOTO HUKU WAKIENDELEA NA KAZI.

-

 

WAAJIRI WAHIMIZWA KUWASAIDIA WANAWEKA KUNYONYESHA WATOTO HUKU WAKIENDELEA NA KAZI.

 

Naibu waziri wa Afya Dkt. Godwin Mollel amefungua rasmi Maadhimisho ya Wiki ya Unyonyeshaji maziwa ya Mama kitaifa kwa mwaka 2023, ambapo amewahimiza waajiri katika sekta rasmi na zisizo rasmi na jamii kwa ujumla, kuwasaidia wanawake waweze kunyonyesha watoto wao huku wakiendelea kufanya kazi. 

Akizungumza wakati wa ufunguzi huo Naibu Waziri Dkt. Mollel amesema Maadhimisho ya Mwaka huu yamebebwa na kauli mbiu isemayo “ Saidia Unyonyeshaji: Wezesha Wazazi Kulea Watoto na Kufanya Kazi Zao za Kila Siku” kauli mbiu mbiu ambayo  imelenga kuwawezesha wanawake wote wanaofanya kazi katika sekta rasmi na zisizo rasmi kuweza kunyonyesha na kutunza watoto wao ipasavyo.

Naibu Waziri wa Afya Mhe. Dkt. Godwin Mollel akizungumza na wadau wa masuala ya lishe (hawapo pichani) wakati wa ufunguzi rasmi wa Wiki ya Unyonyeshaji maziwa ya Mama kitaifa kwa mwaka 2023.


Aidha Dkt. Mollel amewakumbusha  Viongozi, Wasimamizi, Watalaam na Watendaji waliopo kuendelea kuelimisha umma kuhusu sheria ya kulinda haki za Uzazi kwa wanawake, kuimarisha, kuwezesha na kujulisha umma mifano na hatua za kuigwa zinazochukuliwa  na wadau kwa lengo kuwasaidia wanawake kuendelea kunyonyesha watoto mahali pa kazi.

 

Akitoa salamu za kwa niaba ya Wadau wa Lishe nchini, mwakilisho kutoka Shirika la Umoja wa Mataifa la Kuhudumia Watoto Duniani (UNICEF) Patric Codjie,  amesema Shirika hilo  limekuwa mstari wa mbele   kushiriki,  kuendeleza na kufanikisha unyonyeshaji kwa wanawake na litaendelea kuunga mkono juhudi za Serikali za kuwawezesha wanawake walioajiriwa kwenye sekta rasmi na zisizo rasmi wanapata wasaa wa kumpa mtoto mwanzo bora kupitia unyonyeshaji.

 

Nchini Tanzania maadhimisho ya wiki ya unyonyeshaji maziwa ya mama yalianza kuadhimishwa mwaka 1992, ambapo huambatana na shughuli mbalimbali zinazolenga kufikisha taarifa, jumbe na hamasa kwa wananchi kuanzia ngazi ya Mkoa, Halmashauri na kwenye jamii.

Maoni

Chapisha Maoni

Machapisho maarufu kutoka blogu hii

MATOKEO YA UTAFITI WA HALI YA LISHE YA WANAFUNZI SHULE YA MSINGI YATOLEWA

-
Picha
Taasisi ya Chakula na Lishe Tanzania kwa kushirikiana na Mpango wa Taifa wa Kudhibiti Malaria imetoa matokeo ya utafiti wa hali ya lishe ya wanafunzi wa Shule za Msingi uliofanyika mwaka 2021 na kuhusisha mikoa 26 ya Tanzania bara. Utafiti huo ulihusisha shule za umma 650 na wanafunzi 64,465 ulilenga kutathimi kiwango cha Maambukizi ya Malaria na Utapiamlo miongoni wa wanafunzi, ambapo katika viashiria vya lishe, utafiti huo umebaini wanafunzi waliopo katika shule za msingi bado wana changamoto nyingi za kilishe zinazowakabili. Akiwasilisha taarifa za utafiti huo kwa wadau mbalimbali wa lishe kutoka Idara za Serikali, Mashirika ya Kimataifa, wadau wa maendeleo, asasi za kiraia na wadau wengine, Afisa Lishe Mtafiti kutoka Taasisi ya Chakula na Lishe Tanzania Dkt.Geofrey Mchau, amesema wameweza kubaini wanafunzi wengi bado wana lishe duni, uzito uliopungua, uzito uliokithiri na upungufu wa damu kwa kiwango kikubwa. Dkt. Mchau amesema utafiti huo umebaini pia mazingira mengi yanayozun
Endelea Kusoma »

TFNC YAIBUKA MSHINDI WA JUMLA MAONESHO YA SIKU YA CHAKULA DUNIANI.

-
Picha
  TFNC YAIBUKA MSHINDI WA JUMLA MAONESHO YA SIKU YA CHAKULA DUNIANI 2020. Waziri wa Kilimo, Mhe. Japhet Hasunga (wa kwanza kushoto) akikabidhi zawadi ya mshindi wa jumla wa maonesho ya maadhimisho ya Siku ya Chakula Duniani kwa mwaka wa  2020 yaliyofanyika kitaifa mkoani Njombe kwa Bi Adeline Munuo kutoka  Taasisi ya Chakula na Lishe Tanzania, mara baada ya Taasisi hiyo kuibuka mshindi wa Jumla katika maonesho hayo yaliyofanyika katika Viwanja vya Lunyanyo mkoani humo. Afisa Lishe Mtafiti Mwandamizi kutoka Taasisi ya Chakula na Lishe Tanzania Adeline Munuo, akiwa pamoja na wafanyakazi wengine wa Taasisi hiyo, wakishangilia mara baada ya kupokea tuzo ya Ushindi wa jumla ya  Maonesho ya Maadhimisho ya Siku ya chakula Duniani kwa mwaka wa 2020 kutoka kwa Waziri wa kilimo Japhet Hasunga (Mwenye suti nyeusi), ambaye aliitimisha maadhimisho hayo, ambayo kitaifa yamefanyika mkoani Njombe. Afisa Lishe Mtafiti wa Taasisi ya Chakula na Lishe Tanzania Elizabeth Lyimo, akifurahi ushindi wa Taasi
Endelea Kusoma »

WANAFUNZI WANYWE MAZIWA SHULENI-UMMY MWALIMU.

-
Picha
  WANAFUNZI WANYWE MAZIWA SHULENI-UMMY MWALIMU. NA, TFNC DODOMA. Waziri wa Afya, Maendeleo ya Jamii, Jinsia, Wazee na Watoto Ummy Mwalimu amesema atamwandikia barua Waziri wa Elimu, Sayansi na Teknolojia, Profesa Joyce Ndalichako kutoa pendekezo kuanzia Septemba Mosi Mwaka huu, Kila shule ya Msingi na Sekondari iwe na kibanda cha maziwa kwa ajili ya wanafunzi kupata lishe. Kauli hiyo aliitoa Jijini Dodoma wakati wa uzinduzi wa siku ya Lishe Kitaifa ambayo kwa mara ya kwanza maadhmisho ya siku hiyo yanafanyika nchini yakiratibiwa na Taasisi ya Chakula na Lishe Tanzania kwa kushirikiana na Wizara ya Afya, Maendeleo ya Jamii, Jinsia, Wazee na Watoto pamoja na wadau wengine wa Lishe nchini. Waziri Ummy alisema kuanzisha vibanda vya maziwa shuleni hasa shule za kutwa, kutasaidia wanafunzi kuboresha afya zao, lakini pia kutasaidia kupanua soko kwa bidhaa hiyo muhimu. Waziri wa Afya, Maendeleo ya Jamii, Jinsia, Wazee na Watoto Ummy Mwalimu, pamoja na Naibu katibu Mkuu TAMISEMI (Afya)
Endelea Kusoma »