WADAU WA AFYA WAKUBALIANA KUANZISHA BENKI YA MAZIWA YA MAMA TANZANIA

-

Na, MwandishiWetu

Wadau wa Afya na Lishe nchini wamekutana na kufanya kikao kazi cha pamoja kujadili namna ya kuanzisha Benki ya Maziwa ya Mama, lengo likiwa kuboresha hali ya afya na lishe za watoto wachanga hususani wanaozaliwa na uzito pungufu, wagonjwa sana, ambao hawana mama au  mama zao ni wagonjwa mahututi na hivyo kukosa maziwa ya mama jambo linalosababisha athari kwa watoto kiafya na kuongeza vifo vya vichanga hivyo.

Akizungumza wakati wa kufungua kikao kazi hicho, Kaimu Mkurugenzi Msaidizi kitengo cha Lishe Wizara ya Afya, Neema Joshua amesema kuwa Wizara ya Afya inaunga mkono jambo hilo na ipo tayari kushirikiana na wadau kuhakikisha linakamilika kwa wakati.

 “Niwapongeze wadau walioanzisha harakati hizi za kuanzisha Benki ya Maziwa ya Mama hapa Nchini kwa lengo la kuboresha hali ya afya na lishe za watoto wetu hususani wanaozaliwa na uzito pungufu au kabla ya wakati na mama zao kukosa maziwa ya kutosha jambo linalosababisha watoto hao kutokuwa vizuri” Amesema Neema Joshua.

Kwa upande wake Daktari wa Watoto kutoka Hospitali ya Taifa Muhimbili-Mloganzila, Dkt. Lucy Mpayo amesema, Benki ya Maziwa ya mama ni huduma inayowawezesha akina mama kupata maziwa ya ziada, ambayo huchangiwa na wamama wengine kwa hiari na kuhifadhiwa kwa usalama kisha kupatiwa watoto wenye mahitaji. Uwepo wa benki ya maziwa  kutawezesha watoto hao kupata maziwa ya mama kwa muda muafaka na kusaidia kuimarisha afya zao, hususani kuongezeka uzito kwa haraka Zaidi.



Daktari wa Watoto kutoka Hospitali ya Taifa Muhimbili-Mloganzila, Dkt. Lucy Mpayo akiwasilisha mada wakati wa kikao cha wadau wa afya na lishe kilichofanyika katika ukumbi wa mikutano hospitali ya Aga Khan, Dar es salaam.

Dkt. Lucy Mpayo aliendelea kuhimiza kuwa mtoto aliyezaliwa na uzito pungufu akiwahi kupewa maziwa ya mama katika siku za mwanzo baada za kuzaliwa humsaidia mtoto katika kumkinga dhidi ya maradhi na kumuwezesha kukua vizuri na hivyo kumpunguzia siku za kukaa hospitalini.

Aidha Dokta Lucy amesema kuwa Hosptali ya Taifa Muhimbili Mloganzila ilifanya utafiti wa mwaka mmoja kutoka Mei 2018 hadi Mei 2019 uliobaini kuwa asilimia 53 ya watoto waliozaliwa na uzito pungufu chini ya kilo moja na nusu huchelewa kuanzishiwa kupewa maziwa ya mama kwa zaidi ya siku mbili kutokana na sababu mbalimbali ikiwemo mama kuwa mgonjwa baada ya kujifungua, kutokuwa na maziwa ya kutosha pamoja na mtoto kuwa mgonjwa.


Daktari wa Watoto kutoka PATH-Nairobi Kenya, Dkt. Emily Njuguna akitoa uzoefu kwa njia ya mtandao juu ya uanzishwaji wa benki ya maziwa ya mama kwa washiriki wa kikao kazi cha wadau wa afya na lishe kilichofanyika katika ukumbi wa mikutano hospitali ya Aga Khan, Dar es salaam.

Uanzishwaji wa Benki ya Maziwa ya Mama ulianza rasmi mwaka 1909 nchini Austria na kufuatiwa na Amerika ya Kaskazini mwaka 1919 na kisha kuenea katika nchini nyingine. Mwaka 1980 Benki nyingi za Maziwa ya Mama zilifungwa kutokana na hofu ya maambukizi ya Virusi vya Ukimwi, lakini baada ya mikakati mingi kuanzishwa ya kuzuia maambukizi ya vijidudu vya Virusi kwa kuwafanyia vipimo akina mama wanaochangia maziwa yao na kisha kuyahifadhi maziwa hayo kwa usalama zaidi benki hizo zilifungiliwa tena. Benki ya kwanza ya maziwa  kuanzishwa Afrika ilikuwa Afrika Kusini iliyoanzishwa mwaka 1980, na kisha kufuatiwa na Cape Verde 2011. Kwa upande wa nchi za Afika Mashariki Kenya ndio nchi ya kwanza kuanzisha Benki ya Maziwa ya Mama  mwaka 2019.

Maoni

Chapisha Maoni

Machapisho maarufu kutoka blogu hii

MATOKEO YA UTAFITI WA HALI YA LISHE YA WANAFUNZI SHULE YA MSINGI YATOLEWA

-
Picha
Taasisi ya Chakula na Lishe Tanzania kwa kushirikiana na Mpango wa Taifa wa Kudhibiti Malaria imetoa matokeo ya utafiti wa hali ya lishe ya wanafunzi wa Shule za Msingi uliofanyika mwaka 2021 na kuhusisha mikoa 26 ya Tanzania bara. Utafiti huo ulihusisha shule za umma 650 na wanafunzi 64,465 ulilenga kutathimi kiwango cha Maambukizi ya Malaria na Utapiamlo miongoni wa wanafunzi, ambapo katika viashiria vya lishe, utafiti huo umebaini wanafunzi waliopo katika shule za msingi bado wana changamoto nyingi za kilishe zinazowakabili. Akiwasilisha taarifa za utafiti huo kwa wadau mbalimbali wa lishe kutoka Idara za Serikali, Mashirika ya Kimataifa, wadau wa maendeleo, asasi za kiraia na wadau wengine, Afisa Lishe Mtafiti kutoka Taasisi ya Chakula na Lishe Tanzania Dkt.Geofrey Mchau, amesema wameweza kubaini wanafunzi wengi bado wana lishe duni, uzito uliopungua, uzito uliokithiri na upungufu wa damu kwa kiwango kikubwa. Dkt. Mchau amesema utafiti huo umebaini pia mazingira mengi yanayozun
Endelea Kusoma »

TFNC YAIBUKA MSHINDI WA JUMLA MAONESHO YA SIKU YA CHAKULA DUNIANI.

-
Picha
  TFNC YAIBUKA MSHINDI WA JUMLA MAONESHO YA SIKU YA CHAKULA DUNIANI 2020. Waziri wa Kilimo, Mhe. Japhet Hasunga (wa kwanza kushoto) akikabidhi zawadi ya mshindi wa jumla wa maonesho ya maadhimisho ya Siku ya Chakula Duniani kwa mwaka wa  2020 yaliyofanyika kitaifa mkoani Njombe kwa Bi Adeline Munuo kutoka  Taasisi ya Chakula na Lishe Tanzania, mara baada ya Taasisi hiyo kuibuka mshindi wa Jumla katika maonesho hayo yaliyofanyika katika Viwanja vya Lunyanyo mkoani humo. Afisa Lishe Mtafiti Mwandamizi kutoka Taasisi ya Chakula na Lishe Tanzania Adeline Munuo, akiwa pamoja na wafanyakazi wengine wa Taasisi hiyo, wakishangilia mara baada ya kupokea tuzo ya Ushindi wa jumla ya  Maonesho ya Maadhimisho ya Siku ya chakula Duniani kwa mwaka wa 2020 kutoka kwa Waziri wa kilimo Japhet Hasunga (Mwenye suti nyeusi), ambaye aliitimisha maadhimisho hayo, ambayo kitaifa yamefanyika mkoani Njombe. Afisa Lishe Mtafiti wa Taasisi ya Chakula na Lishe Tanzania Elizabeth Lyimo, akifurahi ushindi wa Taasi
Endelea Kusoma »

WANAFUNZI WANYWE MAZIWA SHULENI-UMMY MWALIMU.

-
Picha
  WANAFUNZI WANYWE MAZIWA SHULENI-UMMY MWALIMU. NA, TFNC DODOMA. Waziri wa Afya, Maendeleo ya Jamii, Jinsia, Wazee na Watoto Ummy Mwalimu amesema atamwandikia barua Waziri wa Elimu, Sayansi na Teknolojia, Profesa Joyce Ndalichako kutoa pendekezo kuanzia Septemba Mosi Mwaka huu, Kila shule ya Msingi na Sekondari iwe na kibanda cha maziwa kwa ajili ya wanafunzi kupata lishe. Kauli hiyo aliitoa Jijini Dodoma wakati wa uzinduzi wa siku ya Lishe Kitaifa ambayo kwa mara ya kwanza maadhmisho ya siku hiyo yanafanyika nchini yakiratibiwa na Taasisi ya Chakula na Lishe Tanzania kwa kushirikiana na Wizara ya Afya, Maendeleo ya Jamii, Jinsia, Wazee na Watoto pamoja na wadau wengine wa Lishe nchini. Waziri Ummy alisema kuanzisha vibanda vya maziwa shuleni hasa shule za kutwa, kutasaidia wanafunzi kuboresha afya zao, lakini pia kutasaidia kupanua soko kwa bidhaa hiyo muhimu. Waziri wa Afya, Maendeleo ya Jamii, Jinsia, Wazee na Watoto Ummy Mwalimu, pamoja na Naibu katibu Mkuu TAMISEMI (Afya)
Endelea Kusoma »