TFNC-KUENDELEA KUSHIRIKIA NA WADAU UTEKELEZAJI AFUA MBALIMBALI ZA LISHE

-

 Na. Mwandishi Wetu –Dar es Salaam

Mkurugenzi Mtendaji wa Taasisi ya Chakula na Lishe Tanzani Dkt. Germana Leyna, amesema Taasisi ya Chakula na Lishe itaendelea kushirikiana na wadau  katika masuala mbalimbali  yanayohusiana na lishe, ili kuweza kutekeleza afua  za kilishe kwa pamoja.

Hayo yamebaninishwa Jijijin Dar es Salaam, wakati wa kikao kati ya Mkurungezi Mtendaji wa wa Taasisi ya Chakula na Lishe Dkt. Germana Leyna na Mwanzilishi na Mkurugenzi Mtendaji wa Shirika la SANKU Bw. Felix Brooks-Church, kilichofanyika katika Ofisi za Shirika hilo zilizopo Masaki.

Katika kikao hicho, aidha Dkt. Germana alipata wasaa wa kufahamu juu ya shughuli mbalimbali zinazofanywa na shirika hilo katika kuimarisha suala la Uongezaji wa virutubisho vya madini na Vitamini katika vyakula, kupitia teknolojia ya mashine zinazofungwa kwenye Mashine za kusanga unga wa Mahindi.


Mkurungezi wa Taasisi ya Chakula na Lishe Tanzania Dkt. Germana Leyna (kulia) akizungumza na Mkurugenzi Mtendaji wa Shirika la SANKU ( hayupo pichani) wakati alipotembea ofisi za Shirika hilo, kujifunza na kuangalia maendeleo ya utekelezaji wa afua ya urutubishaji unaofanyika katika kwa Viwanda vidogo na vya kati vinavyozalisha bidhaa za unga wa Mahindi

“Serikali ipo pamoja nanyi na sisi kama Taasisi tupo tayari kuendelea kushirikiana na kuwapa ushauri wa kitaalamu ili kwa pamoja tuweze kushirikiana katika kuimarisha lishe za Watanzania” alisema Dkt. Germana.

 Katika Hatua nyingine Dkt. Germana amewapongeza SANKU kwa jitihada zao wanazochukua katika kusambaza teknolojia yao inayotumika katika urutubishaji wa bidhaa za unga wa mahindi, ambapo amesema zimesaidia kuongeza idadi ya Watanzania wanaotumia unga wenye virutubishi vya madini na Vitamini na kusaidia kupunguza idadi ya wananchi wenye upungufu wa virutubishi hivyo muhimu mwilini.

Mwanzilishi na Mkurugenzi Mtendaji wa Shirika la SANKU  Felix Brooks- Church akitoa maelezo kwa Mkurugenzi mtendaji wa Taasisi ya Chakula na Lishe Tanzania ( hayupo pichani) namna wanavyotekeleza majukumu yao katika kuwawezesha wasindikaji wadogo na wa kati wa unga wa mahindi kupata virutubishi, vifungashio na vinyunyizi (Dosifiers) kwa ajili ya kuongeza virutubishi kwenye unga wa mahindi unaozalishwa nchini.

Mkurugenzi Mtendaji wa Taasisi ya Chakula na Lishe Tanzania Dkt. Germana Leyna alitembelea Ofisi za shirika la SANKU na kuangalia maendeleo ya utekelezaji wa afua za urutubishaji wa unga wa mahindi unaotekelezwa na viwanda hivyo, ambavyo vimekuwa vikiwezeshwa teknolojia rafiki kutoka kwa Shirika la SANKU.

MWISHO:

Maoni

Chapisha Maoni

Machapisho maarufu kutoka blogu hii

MATOKEO YA UTAFITI WA HALI YA LISHE YA WANAFUNZI SHULE YA MSINGI YATOLEWA

-
Picha
Taasisi ya Chakula na Lishe Tanzania kwa kushirikiana na Mpango wa Taifa wa Kudhibiti Malaria imetoa matokeo ya utafiti wa hali ya lishe ya wanafunzi wa Shule za Msingi uliofanyika mwaka 2021 na kuhusisha mikoa 26 ya Tanzania bara. Utafiti huo ulihusisha shule za umma 650 na wanafunzi 64,465 ulilenga kutathimi kiwango cha Maambukizi ya Malaria na Utapiamlo miongoni wa wanafunzi, ambapo katika viashiria vya lishe, utafiti huo umebaini wanafunzi waliopo katika shule za msingi bado wana changamoto nyingi za kilishe zinazowakabili. Akiwasilisha taarifa za utafiti huo kwa wadau mbalimbali wa lishe kutoka Idara za Serikali, Mashirika ya Kimataifa, wadau wa maendeleo, asasi za kiraia na wadau wengine, Afisa Lishe Mtafiti kutoka Taasisi ya Chakula na Lishe Tanzania Dkt.Geofrey Mchau, amesema wameweza kubaini wanafunzi wengi bado wana lishe duni, uzito uliopungua, uzito uliokithiri na upungufu wa damu kwa kiwango kikubwa. Dkt. Mchau amesema utafiti huo umebaini pia mazingira mengi yanayozun
Endelea Kusoma »

TFNC YAIBUKA MSHINDI WA JUMLA MAONESHO YA SIKU YA CHAKULA DUNIANI.

-
Picha
  TFNC YAIBUKA MSHINDI WA JUMLA MAONESHO YA SIKU YA CHAKULA DUNIANI 2020. Waziri wa Kilimo, Mhe. Japhet Hasunga (wa kwanza kushoto) akikabidhi zawadi ya mshindi wa jumla wa maonesho ya maadhimisho ya Siku ya Chakula Duniani kwa mwaka wa  2020 yaliyofanyika kitaifa mkoani Njombe kwa Bi Adeline Munuo kutoka  Taasisi ya Chakula na Lishe Tanzania, mara baada ya Taasisi hiyo kuibuka mshindi wa Jumla katika maonesho hayo yaliyofanyika katika Viwanja vya Lunyanyo mkoani humo. Afisa Lishe Mtafiti Mwandamizi kutoka Taasisi ya Chakula na Lishe Tanzania Adeline Munuo, akiwa pamoja na wafanyakazi wengine wa Taasisi hiyo, wakishangilia mara baada ya kupokea tuzo ya Ushindi wa jumla ya  Maonesho ya Maadhimisho ya Siku ya chakula Duniani kwa mwaka wa 2020 kutoka kwa Waziri wa kilimo Japhet Hasunga (Mwenye suti nyeusi), ambaye aliitimisha maadhimisho hayo, ambayo kitaifa yamefanyika mkoani Njombe. Afisa Lishe Mtafiti wa Taasisi ya Chakula na Lishe Tanzania Elizabeth Lyimo, akifurahi ushindi wa Taasi
Endelea Kusoma »

WANAFUNZI WANYWE MAZIWA SHULENI-UMMY MWALIMU.

-
Picha
  WANAFUNZI WANYWE MAZIWA SHULENI-UMMY MWALIMU. NA, TFNC DODOMA. Waziri wa Afya, Maendeleo ya Jamii, Jinsia, Wazee na Watoto Ummy Mwalimu amesema atamwandikia barua Waziri wa Elimu, Sayansi na Teknolojia, Profesa Joyce Ndalichako kutoa pendekezo kuanzia Septemba Mosi Mwaka huu, Kila shule ya Msingi na Sekondari iwe na kibanda cha maziwa kwa ajili ya wanafunzi kupata lishe. Kauli hiyo aliitoa Jijini Dodoma wakati wa uzinduzi wa siku ya Lishe Kitaifa ambayo kwa mara ya kwanza maadhmisho ya siku hiyo yanafanyika nchini yakiratibiwa na Taasisi ya Chakula na Lishe Tanzania kwa kushirikiana na Wizara ya Afya, Maendeleo ya Jamii, Jinsia, Wazee na Watoto pamoja na wadau wengine wa Lishe nchini. Waziri Ummy alisema kuanzisha vibanda vya maziwa shuleni hasa shule za kutwa, kutasaidia wanafunzi kuboresha afya zao, lakini pia kutasaidia kupanua soko kwa bidhaa hiyo muhimu. Waziri wa Afya, Maendeleo ya Jamii, Jinsia, Wazee na Watoto Ummy Mwalimu, pamoja na Naibu katibu Mkuu TAMISEMI (Afya)
Endelea Kusoma »