TFNC YATOA MAFUNZO KWA WAUGUZI NA WAKUNGA

-

Taasisi ya Chakula na Lishe Tanzania imeendesha kozi fupi kwa wauguzi na wakunga, juu ya kumsaidia mama kunyonyesha kwa usahihi kwa lengo la kuwajengea uwezo zaidi na kufanikisha utoaji wa huduma bora zitakazosaidia kutokomeza utapiamlo kwa watoto.

 

Akizungumza  wakati wa kugawa vyeti kwa wahitimu wa kozi hiyo, Mkurugenzi Mtendaji wa Taasisi ya Chakula na Lishe Tanzania, Dkt. Germana Leyna  amesema,  mafunzo hayo yatawasaidia wahitimu kuongeza ufanisi katika maeneo yao ya kazi na kutoa huduma bora kwa wanawake wanaojifungua na kunyonyesha jambo litakalosaidia kwa kiasi kikubwa kuboresha hali ya lishe za watoto  wa kitanzania.



“Mafunzo haya yametolewa kwa njia ya majadiliano kati ya washiriki na wawezeshaji, jambo litakalosaidia Taasisi kubaini changamoto zinazowakabili kina mama kushindwa kunyonyesha ipasavyo na hivyo kuwafundisha wauguzi na wakunga namna bora za kutatua changamoto hizo na hatimaye kumwezesha mama kunyonyesha kwa usahihi” Amesema Dkt. Leyna.


Aidha Dkt. Leyna amewaomba wahitimu wa kozi hiyo kuwa mabalozi wazuri kwa kuboresha utendaji wao wa kazi na kuwahamasisha wengine kuja kusoma kozi hiyo pindi itakapotangazwa tena.

Awali wakati akimkaribisha Mkurugenzi Mtendaji kufunga mafunzo hayo, Kaimu Mkurugenzi wa Idara ya Elimu na Mafunzo ya Lishe, Dkt. Esther Nkuba amesema kuwa wauguzi na wakunga ni watu muhimu sana katika kufanikisha suala la unyonyeshaji katika jamii.

 

“Takwimu za mwaka 2022 za TDHS zinatuonesha kuwa watoto wanaoanzishiwa kunyonyesha maziwa ya mama ndani ya saa moja ni baada ya kuzaliwa ni asilimia 70, na watoto wanaopewa maziwa ya mama pekee katika miezi sita ya mwanzo ni asilimia 64, lengo letu ni kufika asilimia 100, na hili linawezekana ndio maana tumeanza kutoa mafunzo haya kwa wauguzi na wakunga kwa sababu ni watu muhimu sana katika kufanikisha unyonyeshaji katika jamii” Amesema Dkt. Nkuba.

 

Kwa upande wake Mratibu wa Mafunzo hayo Eliasaph Mwana amesema kuwa kozi hii imetolewa kwa siku nne kuanzia tarehe 23/05/2023 hadi tarehe 26/05/2023 ambapo jumla ya watu watano waliweza kushiriki na kuhitimu mafunzo hayo.



“Jumla ya watu 30 walifanya maombi ya kusoma kozi hii lakini walioweza kujiunga na kuhudhuria ni watu watano tu, hivyo tutafanya tathimini kubaini ni changamoto gani zilizosababisha wau wengi kushidwa kuhudhuria ili tutakapotangaza tena kozi hii watu wengi waweze kuhudhuria” amesema Mwana.

 

Naye Mkunga kutoa Halmashauri ya Wilaya ya Bahi, Anitha Mganga ambeaye amehudhuria mafunzo hayo ametoa rai kwa TFNC kuangalia ni kwa namna gani wataweza kutoa mafunzo haya mikoani ili kuhakikisha elimu hii inawafikia watu wengi zaidi.

 

 


Maoni

Chapisha Maoni

Machapisho maarufu kutoka blogu hii

MATOKEO YA UTAFITI WA HALI YA LISHE YA WANAFUNZI SHULE YA MSINGI YATOLEWA

-
Picha
Taasisi ya Chakula na Lishe Tanzania kwa kushirikiana na Mpango wa Taifa wa Kudhibiti Malaria imetoa matokeo ya utafiti wa hali ya lishe ya wanafunzi wa Shule za Msingi uliofanyika mwaka 2021 na kuhusisha mikoa 26 ya Tanzania bara. Utafiti huo ulihusisha shule za umma 650 na wanafunzi 64,465 ulilenga kutathimi kiwango cha Maambukizi ya Malaria na Utapiamlo miongoni wa wanafunzi, ambapo katika viashiria vya lishe, utafiti huo umebaini wanafunzi waliopo katika shule za msingi bado wana changamoto nyingi za kilishe zinazowakabili. Akiwasilisha taarifa za utafiti huo kwa wadau mbalimbali wa lishe kutoka Idara za Serikali, Mashirika ya Kimataifa, wadau wa maendeleo, asasi za kiraia na wadau wengine, Afisa Lishe Mtafiti kutoka Taasisi ya Chakula na Lishe Tanzania Dkt.Geofrey Mchau, amesema wameweza kubaini wanafunzi wengi bado wana lishe duni, uzito uliopungua, uzito uliokithiri na upungufu wa damu kwa kiwango kikubwa. Dkt. Mchau amesema utafiti huo umebaini pia mazingira mengi yanayozun
Endelea Kusoma »

TFNC YAIBUKA MSHINDI WA JUMLA MAONESHO YA SIKU YA CHAKULA DUNIANI.

-
Picha
  TFNC YAIBUKA MSHINDI WA JUMLA MAONESHO YA SIKU YA CHAKULA DUNIANI 2020. Waziri wa Kilimo, Mhe. Japhet Hasunga (wa kwanza kushoto) akikabidhi zawadi ya mshindi wa jumla wa maonesho ya maadhimisho ya Siku ya Chakula Duniani kwa mwaka wa  2020 yaliyofanyika kitaifa mkoani Njombe kwa Bi Adeline Munuo kutoka  Taasisi ya Chakula na Lishe Tanzania, mara baada ya Taasisi hiyo kuibuka mshindi wa Jumla katika maonesho hayo yaliyofanyika katika Viwanja vya Lunyanyo mkoani humo. Afisa Lishe Mtafiti Mwandamizi kutoka Taasisi ya Chakula na Lishe Tanzania Adeline Munuo, akiwa pamoja na wafanyakazi wengine wa Taasisi hiyo, wakishangilia mara baada ya kupokea tuzo ya Ushindi wa jumla ya  Maonesho ya Maadhimisho ya Siku ya chakula Duniani kwa mwaka wa 2020 kutoka kwa Waziri wa kilimo Japhet Hasunga (Mwenye suti nyeusi), ambaye aliitimisha maadhimisho hayo, ambayo kitaifa yamefanyika mkoani Njombe. Afisa Lishe Mtafiti wa Taasisi ya Chakula na Lishe Tanzania Elizabeth Lyimo, akifurahi ushindi wa Taasi
Endelea Kusoma »

WANAFUNZI WANYWE MAZIWA SHULENI-UMMY MWALIMU.

-
Picha
  WANAFUNZI WANYWE MAZIWA SHULENI-UMMY MWALIMU. NA, TFNC DODOMA. Waziri wa Afya, Maendeleo ya Jamii, Jinsia, Wazee na Watoto Ummy Mwalimu amesema atamwandikia barua Waziri wa Elimu, Sayansi na Teknolojia, Profesa Joyce Ndalichako kutoa pendekezo kuanzia Septemba Mosi Mwaka huu, Kila shule ya Msingi na Sekondari iwe na kibanda cha maziwa kwa ajili ya wanafunzi kupata lishe. Kauli hiyo aliitoa Jijini Dodoma wakati wa uzinduzi wa siku ya Lishe Kitaifa ambayo kwa mara ya kwanza maadhmisho ya siku hiyo yanafanyika nchini yakiratibiwa na Taasisi ya Chakula na Lishe Tanzania kwa kushirikiana na Wizara ya Afya, Maendeleo ya Jamii, Jinsia, Wazee na Watoto pamoja na wadau wengine wa Lishe nchini. Waziri Ummy alisema kuanzisha vibanda vya maziwa shuleni hasa shule za kutwa, kutasaidia wanafunzi kuboresha afya zao, lakini pia kutasaidia kupanua soko kwa bidhaa hiyo muhimu. Waziri wa Afya, Maendeleo ya Jamii, Jinsia, Wazee na Watoto Ummy Mwalimu, pamoja na Naibu katibu Mkuu TAMISEMI (Afya)
Endelea Kusoma »