WENYE KIFUA KIKUU NA VVU KUPATA ELIMU YA LISHE KIGANJANI

-

Taasisi ya Chakula na Lishe Tanzania kwa kushirikiana na Shirika la Mpango wa Chakula Duniani (WFP) wamezindua Programu ya Simu inayohusu Masuala ya Lishe kwa watu wanaoishi na Virusi vya UKIMWI pamoja na kifua kikuu ili kusaidia kukabiliana na magonjwa nyemelezi na kuimarisha hali zao za lishe.

Akizundua Programu hiyo Mganga Mkuu wa Serikali Profesa Tumaini Nagu amesema programu hiyo itaongeza jitihada zinazochukuliwa na Serikali katika kukabiliana na magonjwa hayo na ikiwezekana kuyatokomeza kabisa. 

Programu hiyo kwa sasa itapatikana kwenye simu zenye mfumo wa Android na baadae kwenye simu zenye mfumo wa IOS na ambayo itamuwezesha mgonjwa wa kifua kikuu na mtu anayeishi na ugonjwa wa UKIMWI kumwezesha kupata erlimu yam lo kamili kupitia video na majarida mbalimbali pamoja kujfanyia tathmini ya hali yake la lishe.

"Lishe hii ni moja ya mikakati ya kuwajengea wananchi uelewa kuhusu masuala ya lishe bora na kuchochea mfumo bora wa lishe,kupitia programu hii naamini Itasaidia kutoa elimu na ujuzi namna ya kuandaa milo na kutumia vyakula vinavyopatikana katika maeneo husika,

 


Hii Itasaidia kufikia malengo ya wizara ya kujikinga na magonjwa ya kuambukiza na yale yasiyo ya kuambukiza,"amesema Prof Nagu.

Ili kufanikisha malengo ya serikali, Profesa Nagu ameitaka TFNC kuihakikisha kupitia Programu hiyo inawafikia watu wengi zaidi wakiwamo wenye magonjwa ya Kisukari na Saratani

Makundi mengine aliyoagiza Profesa Nagu  yafikiwe ni  watoto wadogo, wachanga,vijana balehe; wajawazito na wanawake wanaonyonyesha pamoja na; makundi mengine ili kuongeza chachu ya mabadiliko chanya katika ulaji unaofaa na mitindo bora wa maisha.

Pia ameiagiza taasisi hiyo kubuni njia za kuwafikia wanaume ili kuleta uelewa wa pamoja katika familia kwa lengo la kukinga badala ya kutibu.

 


Kwa upande wake Mkurugenzi Mtendaji wa Taasisi ya Chakula na Lishe Tanzaniaa, Dkt.  Germana Leyna amesema mwaka 2020 walifanya tathmini  katika mkoa wa Geita na Singida  kuangalia hali za lishe na uelewa wa huduma za afya kwa watu wenye VVU na kubaini kundi hilo lina uelewa mdogo.

Amesema katika mahojiano yao ya ana kwa ana na watu wenye VVU takribani 20 na kubaini 18 hawana uelewa wa masuala ya lishe.

"Walikuwa hawana taarifa kamili japo namba ya idadi ni ndogo lakini kwetu ilikuwa  inaonekana  elimu hii haijawafikia watu kwenye vituo vya afya japo  watoa huduma wapo,

 Tunajua kuna changamoto labda wanazidiwa na kazi au muda sio rafiki lakini tuliona kwamba bado wanahitaji elimu, kwa hiyo ilikuwa elimu hiyo tuiotoeeje ili kufikia watu wengi zaidi, ndipo wazo la kutumia App ya kiganjani ilipokuja,"amesema Dkt. Germana Leyna.

 


Naye Mwakilishi Mkazi wa Shirika la Mpango wa Chakula Duniani Bi.Sarah Gordon-Gibson amesema wataendelea kuwekeza kwenye lishe na kuendelea kuunga mkono jitihada zinazochukuliwa na Taasisi ya Chakula na Lishe katika kukabiliana na afua mbalimbali za lishe ikiwemo zile ambazo zinaelekezwa kwenye Mpango Jumuishi wa Kitaifa wa Masuala ya Lishe.

Kwa upande wake Mwenyekiti wa Bodi ya Usimamizi wa Taasisi ya Chakula na Lishe Tanzania Bw.Obey Assey amesema haya ni mapinduzi makubwa ambayo yamefanyika kwenye Masuala la lishe na kupitia programu hiyo itaweza kuwafikia watu wengi zaidi huku kuitaka Menejimenti ya Taasisi kuhakikisha wanaisimamia programu hiyo na hata iweze kutumika kuwafikia makundi mengine.

 

 

 

 

 

 

 

 

 

Maoni

Chapisha Maoni

Machapisho maarufu kutoka blogu hii

MATOKEO YA UTAFITI WA HALI YA LISHE YA WANAFUNZI SHULE YA MSINGI YATOLEWA

-
Picha
Taasisi ya Chakula na Lishe Tanzania kwa kushirikiana na Mpango wa Taifa wa Kudhibiti Malaria imetoa matokeo ya utafiti wa hali ya lishe ya wanafunzi wa Shule za Msingi uliofanyika mwaka 2021 na kuhusisha mikoa 26 ya Tanzania bara. Utafiti huo ulihusisha shule za umma 650 na wanafunzi 64,465 ulilenga kutathimi kiwango cha Maambukizi ya Malaria na Utapiamlo miongoni wa wanafunzi, ambapo katika viashiria vya lishe, utafiti huo umebaini wanafunzi waliopo katika shule za msingi bado wana changamoto nyingi za kilishe zinazowakabili. Akiwasilisha taarifa za utafiti huo kwa wadau mbalimbali wa lishe kutoka Idara za Serikali, Mashirika ya Kimataifa, wadau wa maendeleo, asasi za kiraia na wadau wengine, Afisa Lishe Mtafiti kutoka Taasisi ya Chakula na Lishe Tanzania Dkt.Geofrey Mchau, amesema wameweza kubaini wanafunzi wengi bado wana lishe duni, uzito uliopungua, uzito uliokithiri na upungufu wa damu kwa kiwango kikubwa. Dkt. Mchau amesema utafiti huo umebaini pia mazingira mengi yanayozun
Endelea Kusoma »

TFNC YAIBUKA MSHINDI WA JUMLA MAONESHO YA SIKU YA CHAKULA DUNIANI.

-
Picha
  TFNC YAIBUKA MSHINDI WA JUMLA MAONESHO YA SIKU YA CHAKULA DUNIANI 2020. Waziri wa Kilimo, Mhe. Japhet Hasunga (wa kwanza kushoto) akikabidhi zawadi ya mshindi wa jumla wa maonesho ya maadhimisho ya Siku ya Chakula Duniani kwa mwaka wa  2020 yaliyofanyika kitaifa mkoani Njombe kwa Bi Adeline Munuo kutoka  Taasisi ya Chakula na Lishe Tanzania, mara baada ya Taasisi hiyo kuibuka mshindi wa Jumla katika maonesho hayo yaliyofanyika katika Viwanja vya Lunyanyo mkoani humo. Afisa Lishe Mtafiti Mwandamizi kutoka Taasisi ya Chakula na Lishe Tanzania Adeline Munuo, akiwa pamoja na wafanyakazi wengine wa Taasisi hiyo, wakishangilia mara baada ya kupokea tuzo ya Ushindi wa jumla ya  Maonesho ya Maadhimisho ya Siku ya chakula Duniani kwa mwaka wa 2020 kutoka kwa Waziri wa kilimo Japhet Hasunga (Mwenye suti nyeusi), ambaye aliitimisha maadhimisho hayo, ambayo kitaifa yamefanyika mkoani Njombe. Afisa Lishe Mtafiti wa Taasisi ya Chakula na Lishe Tanzania Elizabeth Lyimo, akifurahi ushindi wa Taasi
Endelea Kusoma »

WANAFUNZI WANYWE MAZIWA SHULENI-UMMY MWALIMU.

-
Picha
  WANAFUNZI WANYWE MAZIWA SHULENI-UMMY MWALIMU. NA, TFNC DODOMA. Waziri wa Afya, Maendeleo ya Jamii, Jinsia, Wazee na Watoto Ummy Mwalimu amesema atamwandikia barua Waziri wa Elimu, Sayansi na Teknolojia, Profesa Joyce Ndalichako kutoa pendekezo kuanzia Septemba Mosi Mwaka huu, Kila shule ya Msingi na Sekondari iwe na kibanda cha maziwa kwa ajili ya wanafunzi kupata lishe. Kauli hiyo aliitoa Jijini Dodoma wakati wa uzinduzi wa siku ya Lishe Kitaifa ambayo kwa mara ya kwanza maadhmisho ya siku hiyo yanafanyika nchini yakiratibiwa na Taasisi ya Chakula na Lishe Tanzania kwa kushirikiana na Wizara ya Afya, Maendeleo ya Jamii, Jinsia, Wazee na Watoto pamoja na wadau wengine wa Lishe nchini. Waziri Ummy alisema kuanzisha vibanda vya maziwa shuleni hasa shule za kutwa, kutasaidia wanafunzi kuboresha afya zao, lakini pia kutasaidia kupanua soko kwa bidhaa hiyo muhimu. Waziri wa Afya, Maendeleo ya Jamii, Jinsia, Wazee na Watoto Ummy Mwalimu, pamoja na Naibu katibu Mkuu TAMISEMI (Afya)
Endelea Kusoma »