TUTAYAFIKIA MAKUNDI YOTE KWENYE UTOAJI WA ELIMU YA LISHE

-

Mkurugenzi wa Idara ya Elimu ya Lishe na Mafunzo wa Taasisi ya Chakula na Lishe Tanzania Dkt. Esther Nkuba, amesema Taasisi itaendelea kutoa elimu ya masuala ya chakula na lishe kwa Watanzania, na kuhakikishia kila mmoja anafikiwa na elimu yakiwemo makundi ya watu wenye mahitaji maalumu.

Dkt. Nkuba amebainisha hayo Machi 10, 2023 Jijinmi Dodoma wakati ufunguzi wa kikao kazi cha kupitia nyenzo rafiki kwa watu wasioona, ambayo itawawezesha kupata taarifa mbalimbali sahihi za masuala ya Chakula na Lishe.


Imeleezwa kuwa nyenzo hizo zimeandaliwa kwa, mfumo wa nukta nundu pamoja na sauti kwa ajili ya kusikilizwa kwa wale wasioweza kusoma maandishi ya nukta nundu.
Dkt. Nkuba amebainisha kuwa kabla ya kuzinduliwa rasmi kuanza kutumika kwa nyenzo hizo ambayo uandaaji wake umefadhiliwa na Shirika la Mpango wa Chakula Duniani (WFP),wadau wa lishe wamekutana na kuzijadili kabla ya kupitishwa kutumika rasmi.


Kwa upande wake mwenyekiti wa Jumuiya ya Watu Wasioona Tanzania Bwa. Omary Itambu, amesema ujio wa nyenzo hizo utakuwa msaada kwao, kwani jamii ya watu wasioona, kwa muda mrefu ilikuwa inakabiliwa na changamoto ya upatikanaji wa taarifa za lishe na afya ambazo ni muhimu kwao.


Bwa.Itambu amesema kukamilika kwa nyenzo hizo kutasaidia jamii ya watu wasioona kunufaika na jumbe za lishe hususani lishe ya wanawake wajawazito, na mama anayenyonyesha, ulishaji wa watoto wadogo na wachanga, ulaji unaofaa na mtindo bora wa maisha pamoja na lishe kwa watu wanaoishi na VVU, ambazo zote zinapatikana katika nyenzo hiyo.

Maoni

Chapisha Maoni

Machapisho maarufu kutoka blogu hii

MATOKEO YA UTAFITI WA HALI YA LISHE YA WANAFUNZI SHULE YA MSINGI YATOLEWA

-
Picha
Taasisi ya Chakula na Lishe Tanzania kwa kushirikiana na Mpango wa Taifa wa Kudhibiti Malaria imetoa matokeo ya utafiti wa hali ya lishe ya wanafunzi wa Shule za Msingi uliofanyika mwaka 2021 na kuhusisha mikoa 26 ya Tanzania bara. Utafiti huo ulihusisha shule za umma 650 na wanafunzi 64,465 ulilenga kutathimi kiwango cha Maambukizi ya Malaria na Utapiamlo miongoni wa wanafunzi, ambapo katika viashiria vya lishe, utafiti huo umebaini wanafunzi waliopo katika shule za msingi bado wana changamoto nyingi za kilishe zinazowakabili. Akiwasilisha taarifa za utafiti huo kwa wadau mbalimbali wa lishe kutoka Idara za Serikali, Mashirika ya Kimataifa, wadau wa maendeleo, asasi za kiraia na wadau wengine, Afisa Lishe Mtafiti kutoka Taasisi ya Chakula na Lishe Tanzania Dkt.Geofrey Mchau, amesema wameweza kubaini wanafunzi wengi bado wana lishe duni, uzito uliopungua, uzito uliokithiri na upungufu wa damu kwa kiwango kikubwa. Dkt. Mchau amesema utafiti huo umebaini pia mazingira mengi yanayozun
Endelea Kusoma »

TFNC YAIBUKA MSHINDI WA JUMLA MAONESHO YA SIKU YA CHAKULA DUNIANI.

-
Picha
  TFNC YAIBUKA MSHINDI WA JUMLA MAONESHO YA SIKU YA CHAKULA DUNIANI 2020. Waziri wa Kilimo, Mhe. Japhet Hasunga (wa kwanza kushoto) akikabidhi zawadi ya mshindi wa jumla wa maonesho ya maadhimisho ya Siku ya Chakula Duniani kwa mwaka wa  2020 yaliyofanyika kitaifa mkoani Njombe kwa Bi Adeline Munuo kutoka  Taasisi ya Chakula na Lishe Tanzania, mara baada ya Taasisi hiyo kuibuka mshindi wa Jumla katika maonesho hayo yaliyofanyika katika Viwanja vya Lunyanyo mkoani humo. Afisa Lishe Mtafiti Mwandamizi kutoka Taasisi ya Chakula na Lishe Tanzania Adeline Munuo, akiwa pamoja na wafanyakazi wengine wa Taasisi hiyo, wakishangilia mara baada ya kupokea tuzo ya Ushindi wa jumla ya  Maonesho ya Maadhimisho ya Siku ya chakula Duniani kwa mwaka wa 2020 kutoka kwa Waziri wa kilimo Japhet Hasunga (Mwenye suti nyeusi), ambaye aliitimisha maadhimisho hayo, ambayo kitaifa yamefanyika mkoani Njombe. Afisa Lishe Mtafiti wa Taasisi ya Chakula na Lishe Tanzania Elizabeth Lyimo, akifurahi ushindi wa Taasi
Endelea Kusoma »

WANAFUNZI WANYWE MAZIWA SHULENI-UMMY MWALIMU.

-
Picha
  WANAFUNZI WANYWE MAZIWA SHULENI-UMMY MWALIMU. NA, TFNC DODOMA. Waziri wa Afya, Maendeleo ya Jamii, Jinsia, Wazee na Watoto Ummy Mwalimu amesema atamwandikia barua Waziri wa Elimu, Sayansi na Teknolojia, Profesa Joyce Ndalichako kutoa pendekezo kuanzia Septemba Mosi Mwaka huu, Kila shule ya Msingi na Sekondari iwe na kibanda cha maziwa kwa ajili ya wanafunzi kupata lishe. Kauli hiyo aliitoa Jijini Dodoma wakati wa uzinduzi wa siku ya Lishe Kitaifa ambayo kwa mara ya kwanza maadhmisho ya siku hiyo yanafanyika nchini yakiratibiwa na Taasisi ya Chakula na Lishe Tanzania kwa kushirikiana na Wizara ya Afya, Maendeleo ya Jamii, Jinsia, Wazee na Watoto pamoja na wadau wengine wa Lishe nchini. Waziri Ummy alisema kuanzisha vibanda vya maziwa shuleni hasa shule za kutwa, kutasaidia wanafunzi kuboresha afya zao, lakini pia kutasaidia kupanua soko kwa bidhaa hiyo muhimu. Waziri wa Afya, Maendeleo ya Jamii, Jinsia, Wazee na Watoto Ummy Mwalimu, pamoja na Naibu katibu Mkuu TAMISEMI (Afya)
Endelea Kusoma »