MATUMIZI YA TOGWA KWA WATOTO

-
Na, Jackson Monela TFNC

Togwa ni kinywaji baridi chenye ladha ya sukari na uchachu, ladha hiyo hutokana na utengenezaji wake; kwani togwa hutengenezwa kwa uji uliochachushwa. Togwa hutumiwa na watu wa rika tofauti (mtoto na mtu mzima).

Mkurugenzi wa Sayansi ya Chakula na Lishe kutoka Taasisi ya Chakula na Lishe Tanzania Dkt. Elifatio Towo anasema Togwa inayopendekezwa hapa ni ile ambayo haina kilevi “alcohol” uthibitisho wa kimaabara unaonesha kuwa togwa isiyokuwa na kilevi humpatia mtoto virutubishi vingi na humkinga dhidi ya magonjwa ya kuhara. Pia kwa mtoto anayeharisha akipatiwa togwa humsaidia kumrudishia maji mwilini mwake, yaliyopotea kutokana na kuharisha.

Dkt. Towo anasema Togwa huweza kudumu kwa muda mrefu bila kuharibika, hivyo humpunguzia kazi mzazi au mlezi wa kumuandalia mtoto togwa mara kwa mara. 

Jinsi ya kutayarisha Togwa kwa ajili ya mtoto

·     - Pika uji mzito kwa kutumia unga wa kawaida (mfano unga wa mahindi au muhogo);

·      -Uji ukiiva, epua, acha upoe mpaka uwe vuguvugu;

·      -Ongeza unga wa kimea kiasi kikombe kimoja cha chai kwenye uji uliojaa lita tano;

·      -Koroga uji mpaka kimea kichanganyike vizuri na uji kuwa majimaji;

·      -Funika na acha togwa ichachuke usiku kucha;

·      -Baada ya hapo togwa itakuwa tayari kunywewa na ni salama kwa mtoto. 

Muhimu:

Dkt Elifatio Towo anasema mtoto anayeshauriwa kupewa togwa ni yule aliyefikisha umri wa kuanza kupewa chakula cha nyongeza (mwenye umri kuanzia miezi 6), chini ya miezi sita aruhusiwi kupewa chakula na kinywaji chochote zaidi ya maziwa ya mama pekee. Mtoto anayepewa togwa aendelee kunyonyeshwa maziwa ya mama kila anapohitaji. Pamoja na togwa vyakula vingine ni muhimu kwa afya na makuzi ya mtoto. 

Imeandikwa na Jackson Monela  

Afisa Uhusiano wa Umma Taasisi ya Chakula na Lishe Tanzania

Maoni

Chapisha Maoni

Machapisho maarufu kutoka blogu hii

MATOKEO YA UTAFITI WA HALI YA LISHE YA WANAFUNZI SHULE YA MSINGI YATOLEWA

-
Picha
Taasisi ya Chakula na Lishe Tanzania kwa kushirikiana na Mpango wa Taifa wa Kudhibiti Malaria imetoa matokeo ya utafiti wa hali ya lishe ya wanafunzi wa Shule za Msingi uliofanyika mwaka 2021 na kuhusisha mikoa 26 ya Tanzania bara. Utafiti huo ulihusisha shule za umma 650 na wanafunzi 64,465 ulilenga kutathimi kiwango cha Maambukizi ya Malaria na Utapiamlo miongoni wa wanafunzi, ambapo katika viashiria vya lishe, utafiti huo umebaini wanafunzi waliopo katika shule za msingi bado wana changamoto nyingi za kilishe zinazowakabili. Akiwasilisha taarifa za utafiti huo kwa wadau mbalimbali wa lishe kutoka Idara za Serikali, Mashirika ya Kimataifa, wadau wa maendeleo, asasi za kiraia na wadau wengine, Afisa Lishe Mtafiti kutoka Taasisi ya Chakula na Lishe Tanzania Dkt.Geofrey Mchau, amesema wameweza kubaini wanafunzi wengi bado wana lishe duni, uzito uliopungua, uzito uliokithiri na upungufu wa damu kwa kiwango kikubwa. Dkt. Mchau amesema utafiti huo umebaini pia mazingira mengi yanayozun...
Endelea Kusoma »

TFNC YAIBUKA MSHINDI WA JUMLA MAONESHO YA SIKU YA CHAKULA DUNIANI.

-
Picha
  TFNC YAIBUKA MSHINDI WA JUMLA MAONESHO YA SIKU YA CHAKULA DUNIANI 2020. Waziri wa Kilimo, Mhe. Japhet Hasunga (wa kwanza kushoto) akikabidhi zawadi ya mshindi wa jumla wa maonesho ya maadhimisho ya Siku ya Chakula Duniani kwa mwaka wa  2020 yaliyofanyika kitaifa mkoani Njombe kwa Bi Adeline Munuo kutoka  Taasisi ya Chakula na Lishe Tanzania, mara baada ya Taasisi hiyo kuibuka mshindi wa Jumla katika maonesho hayo yaliyofanyika katika Viwanja vya Lunyanyo mkoani humo. Afisa Lishe Mtafiti Mwandamizi kutoka Taasisi ya Chakula na Lishe Tanzania Adeline Munuo, akiwa pamoja na wafanyakazi wengine wa Taasisi hiyo, wakishangilia mara baada ya kupokea tuzo ya Ushindi wa jumla ya  Maonesho ya Maadhimisho ya Siku ya chakula Duniani kwa mwaka wa 2020 kutoka kwa Waziri wa kilimo Japhet Hasunga (Mwenye suti nyeusi), ambaye aliitimisha maadhimisho hayo, ambayo kitaifa yamefanyika mkoani Njombe. Afisa Lishe Mtafiti wa Taasisi ya Chakula na Lishe Tanzania Elizabeth Lyimo, akifura...
Endelea Kusoma »

TUMIENI TAALUMA ZENU KUTATUA CHANGAMOTO ZA MASUALA YA CHAKULA NA LISHE KWENYE JAMII.

-
Picha
Na Mwandishi wetu-TFNC Mkurugenzi Mtendaji wa Taasisi ya Chakula na Lishe Tanzania Dkt. Germana Leyna, amefungua mafunzo elekezi kwa Waajiriwa wapya wa Taasisi, ambapo amewataka kutumia taaluma zao katika kusaidia kutatua changamoto mbalimbali za masuala ya chakula na Lishe zinazoikabili jamii. Dkt. Germana amesema mafunzo hayo ya siku tano yamelenga kuwawezesha waajiriwa hao kujua mifumo mbalimbali ya kiutumishi, itakayowasaidia katika kutatua changamoto hizo, na kutekeleza majukumu mbalimbali ambayo Taasisi imekabidhiwa na Serikali kuyatekeleza. Mkurugenzi Mtendaji wa Taasisi ya Chakula na Lishe Tanzania Dkt. Germana Leyna, akitoa maagizo  mbalimbali kwa waajiriwa wapya wa Taasisi ya Chakula na Lishe Tanzania (hawapo pichani) wakati wa ufunguzi wa mafunzo elekezi   kuhusu sheria, kanuni na taratibu mbalimbali za utumishi wa umma. “Mimi Matarajio yangu kwenu ni makubwa sana, mnisaidie kutatua changamoto za chakula na lishe kwa jamii na ndiyo changamoto ambazo sisi ...
Endelea Kusoma »