WAANDISHI WA HABARI TUMIENI KALAMU ZENU KUANDIKA KWA WINGI HABARI ZA LISHE.

-

WAANDISHI WA HABARI TUMIENI KALAMU ZENU KUANDIKA KWA WINGI HABARI ZA LISHE.

NA MWANDISHI WETU

Wito umetolewa kwa Waandishi wa habari kutumia kalamu zao kuandika kwa wingi habari zinazohusiana na masuala ya Lishe na Afya ili kuweza kubadili mitazamo na tabia za jamii zilizopo kuhusu masuala ya Lishe na kuweza kuleta ufanisi katika kupambana na Utapiamlo na Kujenga Taifa lenye Watu wenye Afya Bora.

Hayo yamebainishwa mkoani Shinyanga na Mganga Mkuu Dkt. Yudas Ndungile wakati akifungua Semina ya Waandishi wa habari kuhusu umuhimu wa Lishe katika kuimarisha Kinga Dhidi ya Magonjwa, ambayo imeratibiwa na Taasisi ya Chakula na Lishe Tanzania kwa Kushirikiana na Shirika lisilo la Kiserikali la World Vision Tanzania.

 Dkt. Yudas amesema waandishi ni miongoni mwa wadau wakuu wa mawasiliano yanayolenga kubadili mitazamo na tabia za jamii kuhusu masuala ya Afya na Lishe hivyo mafunzo hayo yatasaidia kuwajengea uelewa mpana zaidi kuhusu masuala ya lishe hatua itakayowasaidia kuandika taarifa zenye usahihi.

“Sote tunatambua mchango wa vyombo vya habari katika kutoa taarifa, kuelimisha na pia kuburudisha, Lakini kwa miaka ya hivi karibuni dhima hiyo imepanuka na kujumuisha masuala ya ufuatiliaji, kupaza sauti za watu wasio na sauti katika jamii, kusaidia kulinda maslahi ya jamii na mambo mengine mengi, hivyo wanahabari wanaweza kuendelea kuhabarisha, kuelimisha kuhusu umuhimu wa lishe katika kuimarisha kinga dhidi ya magonjwa” alisema Dkt. Dkt. Yudas

 


Mganga Mkuu wa mkoa wa Shinyanga Dkt:Yudas Ndungile akizungumza na waandishi wa habari  (hawapo Pichani) wakati wa ufunguzi wa semina ya Waandishi wa habari kuhusu umuhimu wa lishe katika kuimarisha kinga dhidi ya Magonjwa, ambayo imetolewa na Taasisi ya Chakula na Lishe kwa kushirikiana na World Vision Tanzania.

Kwa upande wake Mkurugenzi wa Elimu ya Lishe na Mafunzo wa Taasisi ya Chakula na Lishe Tanzania Sikitu Kihinga alisema mafunzo hayo yanakuja katika wakati ambao Taasisi ya Chakula na Lishe imeendelea kujikita zaidi katika kushirikiana na wanahabari kwa kuhakikisha wanajengewa uwezo na kuwa wabobezi katika kuandika habari za zinazohusu masuala ya lishe


Mkurugenzi wa Elimu ya Lishe na Mafunzo wa Taasisi ya Chakula na Lishe Tanzania Sikitu kihinga, akielezea  malengo ya mafunzo ambayo yametolewa kwa waandishi wa habari mkoa wa Shinyanga kuhusu Umuhimu wa Lishe katika kuimarisha kinga dhidi ya Magonjwa, ambapo Taasisi hiyo pia imeshirikiana na Shirika la World Vision Tanzania

Sikitu alisema wameamua kushirikiana na shirika la World Vision Tanzania, kwani wao pia ni wadau wakubwa wanaosimamia suala la lishe, na wamekuwa mstari wa mbele katika kupambana na Utapiamlo na Udumavu ili kwenda sambamba Serikali katika kufkia malengo iliyojiwekea katika kupambana magonjwa hayo.

Waandishi wa habari wa mkoa wa Shinyanga waliojitokeza kushiriki semina juu ya umuhimu wa lishe katika kuimarisha kinga dhidi ya Magonjwa, wakifuatilia  mafunzo ambayo yametolewa na Taasisi ya Chakula na Lishe Tanzania kwa kushirikiana na World Vision Tanzania 

Taasisi ya Chakula na Lishe Tanzania kwa kushirikiana na World Vision Tanzania mbali na kutoa mafunzo haya kwa wanahabari wa mkoa wa Shinyanga pia wanatarajia kuyafanya kwa waandishi wa habari katika mkoa wa Singida, ili kuweza kuwajengea uwezo nao katika kuandika habari zinazohusiana na masuala ya Chakula na Lishe.

 

 

 

 

 

 

 

 

 

  

Maoni

Chapisha Maoni

Machapisho maarufu kutoka blogu hii

MATOKEO YA UTAFITI WA HALI YA LISHE YA WANAFUNZI SHULE YA MSINGI YATOLEWA

-
Picha
Taasisi ya Chakula na Lishe Tanzania kwa kushirikiana na Mpango wa Taifa wa Kudhibiti Malaria imetoa matokeo ya utafiti wa hali ya lishe ya wanafunzi wa Shule za Msingi uliofanyika mwaka 2021 na kuhusisha mikoa 26 ya Tanzania bara. Utafiti huo ulihusisha shule za umma 650 na wanafunzi 64,465 ulilenga kutathimi kiwango cha Maambukizi ya Malaria na Utapiamlo miongoni wa wanafunzi, ambapo katika viashiria vya lishe, utafiti huo umebaini wanafunzi waliopo katika shule za msingi bado wana changamoto nyingi za kilishe zinazowakabili. Akiwasilisha taarifa za utafiti huo kwa wadau mbalimbali wa lishe kutoka Idara za Serikali, Mashirika ya Kimataifa, wadau wa maendeleo, asasi za kiraia na wadau wengine, Afisa Lishe Mtafiti kutoka Taasisi ya Chakula na Lishe Tanzania Dkt.Geofrey Mchau, amesema wameweza kubaini wanafunzi wengi bado wana lishe duni, uzito uliopungua, uzito uliokithiri na upungufu wa damu kwa kiwango kikubwa. Dkt. Mchau amesema utafiti huo umebaini pia mazingira mengi yanayozun
Endelea Kusoma »

TFNC YAIBUKA MSHINDI WA JUMLA MAONESHO YA SIKU YA CHAKULA DUNIANI.

-
Picha
  TFNC YAIBUKA MSHINDI WA JUMLA MAONESHO YA SIKU YA CHAKULA DUNIANI 2020. Waziri wa Kilimo, Mhe. Japhet Hasunga (wa kwanza kushoto) akikabidhi zawadi ya mshindi wa jumla wa maonesho ya maadhimisho ya Siku ya Chakula Duniani kwa mwaka wa  2020 yaliyofanyika kitaifa mkoani Njombe kwa Bi Adeline Munuo kutoka  Taasisi ya Chakula na Lishe Tanzania, mara baada ya Taasisi hiyo kuibuka mshindi wa Jumla katika maonesho hayo yaliyofanyika katika Viwanja vya Lunyanyo mkoani humo. Afisa Lishe Mtafiti Mwandamizi kutoka Taasisi ya Chakula na Lishe Tanzania Adeline Munuo, akiwa pamoja na wafanyakazi wengine wa Taasisi hiyo, wakishangilia mara baada ya kupokea tuzo ya Ushindi wa jumla ya  Maonesho ya Maadhimisho ya Siku ya chakula Duniani kwa mwaka wa 2020 kutoka kwa Waziri wa kilimo Japhet Hasunga (Mwenye suti nyeusi), ambaye aliitimisha maadhimisho hayo, ambayo kitaifa yamefanyika mkoani Njombe. Afisa Lishe Mtafiti wa Taasisi ya Chakula na Lishe Tanzania Elizabeth Lyimo, akifurahi ushindi wa Taasi
Endelea Kusoma »

WANAFUNZI WANYWE MAZIWA SHULENI-UMMY MWALIMU.

-
Picha
  WANAFUNZI WANYWE MAZIWA SHULENI-UMMY MWALIMU. NA, TFNC DODOMA. Waziri wa Afya, Maendeleo ya Jamii, Jinsia, Wazee na Watoto Ummy Mwalimu amesema atamwandikia barua Waziri wa Elimu, Sayansi na Teknolojia, Profesa Joyce Ndalichako kutoa pendekezo kuanzia Septemba Mosi Mwaka huu, Kila shule ya Msingi na Sekondari iwe na kibanda cha maziwa kwa ajili ya wanafunzi kupata lishe. Kauli hiyo aliitoa Jijini Dodoma wakati wa uzinduzi wa siku ya Lishe Kitaifa ambayo kwa mara ya kwanza maadhmisho ya siku hiyo yanafanyika nchini yakiratibiwa na Taasisi ya Chakula na Lishe Tanzania kwa kushirikiana na Wizara ya Afya, Maendeleo ya Jamii, Jinsia, Wazee na Watoto pamoja na wadau wengine wa Lishe nchini. Waziri Ummy alisema kuanzisha vibanda vya maziwa shuleni hasa shule za kutwa, kutasaidia wanafunzi kuboresha afya zao, lakini pia kutasaidia kupanua soko kwa bidhaa hiyo muhimu. Waziri wa Afya, Maendeleo ya Jamii, Jinsia, Wazee na Watoto Ummy Mwalimu, pamoja na Naibu katibu Mkuu TAMISEMI (Afya)
Endelea Kusoma »