JAMII YAHIMIZWA KUSAIDIA MAJUKUMU YA KAZI MAMA ANAYENYONYESHA KUEPUSHA UTAPIAMLO KWA WATOTO

-

JAMII YAHIMIZWA KUSAIDIA MAJUKUMU YA KAZI MAMA ANAYENYONYESHA KUEPUSHA UTAPIAMLO KWA WATOTO

Na, TFNC Muheza


ULISHAJI usio sahihi unaochangiwa na mama kuelemewa na majukumu mengi ya kazi na hivyo kukosa muda wa kutosha wa kumtunza mtoto ni sababu kubwa ya utapiamlo kwa watoto.

Hayo yamesema leo na Waziri wa Afya, Maendeleo ya Jamii, Jinsia, Wazee na Watoto, Ummy Mwalimu wakati wa ufunguzi wa maadhimisho ya wiki ya unyonyeshaji ambayo kitaifa yamefanyika wilayani Muheza mkoani Tanga

"Ni dhahiri kuwa mchango wa mwanamke katika familia, ajira na uzalishaji kwa ujumla ni mkubwa hivyo ni muhimu kuwatia moyo na kuwasaidia wanawake ili waweze kufanya majukumu ya uzalishaji  na utunzaji wa familia kwa ukamilifu.

Waziri wa Afya, Maendeleo ya Jamii, Jinsia, Wazee na Watoto, Mhe. Ummy Mwalimu akizungumza na wananchi waliojitokeza kwenye uzinduzi wa maadhimisho ya Wiki ya Unyonyeshaji wa Maziwa ya Mama Duniani (hawapo Pichani) ambayo kwa mwaka huu uzinduzi kitaifa umefanyika wilayani Muheza mkoani Tanga.Picha na Jackson Monela

Waziri Ummy amesema kuwa jamii ina wajibu wa kuwawezesha wazazi, hususani wanawake waweze kunyonyesha watoto wao maziwa ya mama pekee kwa miezi sita ya mwanzo baada ya kujifungua.

Waziri wa Afya, Maendeleo ya Jamii, Jinsia, Wazee na Watoto Ummy Mwalimu, akimkabidhi Mwakilishi wa  Chama cha Waandishi wa Habari mkoa wa Tanga Burhan Yakubu kitini cha Lishe ya wanawake, Watoto na Vijana Balehe kwa ajili ya Vyombo vya Habari, kuashiria kuanza kutumika rasmi kwa kitini hicho, wakati wa Uzinduzi wa Wiki la Unyonyonyeshaji maziwa ya Mama Duniani, ambayo kwa hapa nchini yamefanyika wilayani Muheza mkoani Tanga.

Aidha, amesema watoto wanapotimiza miezi sita waanzishiwe vyakula vya nyongeza vyenye ubora kilishe huku wakiendelea kunyonyeshwa hadi watakapotimiza umri wa miaka miwili.

Kwa upande wa takwimu za hali ya ulishaji watoto nchini Tanzania zinaonesha kuwa takribani asilimia 97 ya watoto wenyeumri chini ya miaka miwili wananyonyeshwa maziwa ya mama.

"Idadi ya watoto wanaoanzishiwa kunyonyeshwa maziwa ya mama kwa wakati sahihi katika kipindi kisichozidi saa moja baada ya kuzaliwa ni asilimia 53 na idadi ya watoto wanaonyonyeshwa maziwa ya mama pekee bila kupewa maji, vinywaji na vyakula vingine katika kipindi cha miezi sita ya mwanzo baada ya kuzaliwa ni asilimia 58”, alisema Waziri Ummy.

"Vigezo hivyo ni idadi sahihi ya milo anayopewa mtoto kwa siku kulingana na umri wake, na mlo uwe na mchanganyiko wa vyakula kutoka kwenye makundi yasiyopungua manne ya vyakula," amesisitiza.

Amesema Maadhimisho ya Wiki ya Unyonyeshaji Duniani kwa mwaka 2020 yamebebwa na kauli mbiu inayosema “Tuwawezeshe wanawake kunyonyesha watoto kwa afya bora na ulizni wa mazingira"

 

Maoni

Chapisha Maoni

Machapisho maarufu kutoka blogu hii

MATOKEO YA UTAFITI WA HALI YA LISHE YA WANAFUNZI SHULE YA MSINGI YATOLEWA

-
Picha
Taasisi ya Chakula na Lishe Tanzania kwa kushirikiana na Mpango wa Taifa wa Kudhibiti Malaria imetoa matokeo ya utafiti wa hali ya lishe ya wanafunzi wa Shule za Msingi uliofanyika mwaka 2021 na kuhusisha mikoa 26 ya Tanzania bara. Utafiti huo ulihusisha shule za umma 650 na wanafunzi 64,465 ulilenga kutathimi kiwango cha Maambukizi ya Malaria na Utapiamlo miongoni wa wanafunzi, ambapo katika viashiria vya lishe, utafiti huo umebaini wanafunzi waliopo katika shule za msingi bado wana changamoto nyingi za kilishe zinazowakabili. Akiwasilisha taarifa za utafiti huo kwa wadau mbalimbali wa lishe kutoka Idara za Serikali, Mashirika ya Kimataifa, wadau wa maendeleo, asasi za kiraia na wadau wengine, Afisa Lishe Mtafiti kutoka Taasisi ya Chakula na Lishe Tanzania Dkt.Geofrey Mchau, amesema wameweza kubaini wanafunzi wengi bado wana lishe duni, uzito uliopungua, uzito uliokithiri na upungufu wa damu kwa kiwango kikubwa. Dkt. Mchau amesema utafiti huo umebaini pia mazingira mengi yanayozun...
Endelea Kusoma »

TFNC YAIBUKA MSHINDI WA JUMLA MAONESHO YA SIKU YA CHAKULA DUNIANI.

-
Picha
  TFNC YAIBUKA MSHINDI WA JUMLA MAONESHO YA SIKU YA CHAKULA DUNIANI 2020. Waziri wa Kilimo, Mhe. Japhet Hasunga (wa kwanza kushoto) akikabidhi zawadi ya mshindi wa jumla wa maonesho ya maadhimisho ya Siku ya Chakula Duniani kwa mwaka wa  2020 yaliyofanyika kitaifa mkoani Njombe kwa Bi Adeline Munuo kutoka  Taasisi ya Chakula na Lishe Tanzania, mara baada ya Taasisi hiyo kuibuka mshindi wa Jumla katika maonesho hayo yaliyofanyika katika Viwanja vya Lunyanyo mkoani humo. Afisa Lishe Mtafiti Mwandamizi kutoka Taasisi ya Chakula na Lishe Tanzania Adeline Munuo, akiwa pamoja na wafanyakazi wengine wa Taasisi hiyo, wakishangilia mara baada ya kupokea tuzo ya Ushindi wa jumla ya  Maonesho ya Maadhimisho ya Siku ya chakula Duniani kwa mwaka wa 2020 kutoka kwa Waziri wa kilimo Japhet Hasunga (Mwenye suti nyeusi), ambaye aliitimisha maadhimisho hayo, ambayo kitaifa yamefanyika mkoani Njombe. Afisa Lishe Mtafiti wa Taasisi ya Chakula na Lishe Tanzania Elizabeth Lyimo, akifura...
Endelea Kusoma »

TUMIENI TAALUMA ZENU KUTATUA CHANGAMOTO ZA MASUALA YA CHAKULA NA LISHE KWENYE JAMII.

-
Picha
Na Mwandishi wetu-TFNC Mkurugenzi Mtendaji wa Taasisi ya Chakula na Lishe Tanzania Dkt. Germana Leyna, amefungua mafunzo elekezi kwa Waajiriwa wapya wa Taasisi, ambapo amewataka kutumia taaluma zao katika kusaidia kutatua changamoto mbalimbali za masuala ya chakula na Lishe zinazoikabili jamii. Dkt. Germana amesema mafunzo hayo ya siku tano yamelenga kuwawezesha waajiriwa hao kujua mifumo mbalimbali ya kiutumishi, itakayowasaidia katika kutatua changamoto hizo, na kutekeleza majukumu mbalimbali ambayo Taasisi imekabidhiwa na Serikali kuyatekeleza. Mkurugenzi Mtendaji wa Taasisi ya Chakula na Lishe Tanzania Dkt. Germana Leyna, akitoa maagizo  mbalimbali kwa waajiriwa wapya wa Taasisi ya Chakula na Lishe Tanzania (hawapo pichani) wakati wa ufunguzi wa mafunzo elekezi   kuhusu sheria, kanuni na taratibu mbalimbali za utumishi wa umma. “Mimi Matarajio yangu kwenu ni makubwa sana, mnisaidie kutatua changamoto za chakula na lishe kwa jamii na ndiyo changamoto ambazo sisi ...
Endelea Kusoma »