WANAHABARI MKOA WA MOROGORO WAOMBA KUJENGEWA UWEZO ZAIDI, KWENYE UANDISHI WA HABARI ZA LISHE

-

WANAHABARI MKOA WA MOROGORO WAOMBA KUJENGEWA UWEZO ZAIDI, KWENYE UANDISHI WA HABARI ZA LISHE.

Na, Jackson Monela, Morogoro.

Chama cha Waandishi wa Habari mkoa wa Morogoro (MOROPC) kimeiomba Taasisi ya Chakula na Lishe Tanzania kuendelea kutoa mafunzo kwa waaandishi wa habari mkoani humo, ili kuzidi  kuwajengea uwezo wa kuripoti habari mbalimbali zinazohusu masuala ya chakula na lishe.

Akizungumza wakati wa Semina ya kuwajengea uwezo wahariri na wanahabari wa mkoa wa Morogoro, namna ya kuhariri na kuandika habari zinazohusiana na Chakula na Lishe Mwenyekiti wa MOROPC, Nikson Mkilanya, amesema mkoa huo una zaidi ya waandishi wa habari 100, na 40 pekee ndio waliopatiwa mafunzo hayo, hivyo ameiomba Taasisi ya Chakula na Lishe Tanzania kuendelea kutoa mafunzo hayo na kwa waandishi wengine mkoani humo.

Mkilanya amesema kwa muda mrefu waandishi wa habari mkoa wa Morogoro walikuwa na kiu ya kupata elimu kuhusu masuala ya Chakula na Lishe, hivyo ameishukuruTaasisi ya Chakula na Lishe Tanzania kwa kuwapatia mafunzo hayo.


Mwenyekiti wa Chama cha Waandishi wa Habari mkoa wa Morogoro Nikson Mkilanya akizungumzia juu ya fursa waliyoipata wanahabari wa Morogoro ya kujengewa uwezo juu ya kuandika na kuandaa vipindi vinavyohusiana na masuala ya Chakula na Lishe,iliyotolewa na Taasisi ya Chakula na Lishe Tanzania.

“Tunaishukuru sana TFNC kwa kutupatia mafunzo haya wahariri na wanahabari wa Morogoro, kwani tunaamini mlikuwa na uwezo wa kuyapelekea mafunzo haya mkoa wowote, lakini mkaamua mje kwetu, hata hivyo tunaomba sana muendelee kutunoa, hususani katika lishe, kwani waandishi wengi mkoani hapa walikosa kabisa fursa ya kujengewa uwezo kwenye kada hiyo, ili kuwawezesha kuwa wabobezi” Alisema Mkilanya.

Mwenyekiti huyo pia ameiomba Taasisi ya Chskula na Lishe Tanzania kuangalia ni kwa namna gani wanaweza kushirikiana na Baraza la Habari Nchini, na kuingiza Kipengele cha Tuzo za Uandishi wa Habari za Lishe, kwani kufanya hivyo kutaongeza chachu kwa wanahabari kuandika zaidi habari zinazohusu masuala ya Chakula na Lishe, ambayo yatasaidia kutoa elimu kwa Jamii.

Afisa mtafiti msaidizi-Mawasiliano Hamza Mwangomale kutoka Taasisi ya Chakula na Lishe Tanzania, akiwasilisha mada kuhusu wajibu wa mwanahabari, wakati wa semina ya waandishi wa habari mkoa wa Morogoro ya kuwajengea uwezo wa kuandika habari na kuandaa vipindi kuhusu masuala ya Chakula na Lishe, iliyotolewa na Taasisi hiyo.

Kwa upande wake Kaimu Afisa  Lishe Manispaa ya Morogoro Ester Kawishe  ambaye alikuwa mwezeshaji akishirikiana na wataalamu kutoka Taasisi ya Chakula na Lishe Tanzania, aliwaomba waandishi wa Habari kushirikiana na maafisa lishe waliopo katika halmashauri zote za Morogoro, ili kufanikisha kutoa elimu sahihi ya lishe kwa wajamii nzima.

Taasisi ya Chakula na Lishe Tanzania imetoa mafunzo ya siku mbili kwa wahariri na waandishi wa habari wa mkoa wa Morogoro, ambayo yamelenga kuwajengea uwezo namna ya kuandika habari, makala na kuandaa vipindi, pamoja na kuelezwa wajibu wa wanahabari katika kushiriki kwenye kutoa elimu ya lishe.

 

 

Eneo: Unnamed Road, Tanzania

Maoni

Chapisha Maoni

Machapisho maarufu kutoka blogu hii

MATOKEO YA UTAFITI WA HALI YA LISHE YA WANAFUNZI SHULE YA MSINGI YATOLEWA

-
Picha
Taasisi ya Chakula na Lishe Tanzania kwa kushirikiana na Mpango wa Taifa wa Kudhibiti Malaria imetoa matokeo ya utafiti wa hali ya lishe ya wanafunzi wa Shule za Msingi uliofanyika mwaka 2021 na kuhusisha mikoa 26 ya Tanzania bara. Utafiti huo ulihusisha shule za umma 650 na wanafunzi 64,465 ulilenga kutathimi kiwango cha Maambukizi ya Malaria na Utapiamlo miongoni wa wanafunzi, ambapo katika viashiria vya lishe, utafiti huo umebaini wanafunzi waliopo katika shule za msingi bado wana changamoto nyingi za kilishe zinazowakabili. Akiwasilisha taarifa za utafiti huo kwa wadau mbalimbali wa lishe kutoka Idara za Serikali, Mashirika ya Kimataifa, wadau wa maendeleo, asasi za kiraia na wadau wengine, Afisa Lishe Mtafiti kutoka Taasisi ya Chakula na Lishe Tanzania Dkt.Geofrey Mchau, amesema wameweza kubaini wanafunzi wengi bado wana lishe duni, uzito uliopungua, uzito uliokithiri na upungufu wa damu kwa kiwango kikubwa. Dkt. Mchau amesema utafiti huo umebaini pia mazingira mengi yanayozun
Endelea Kusoma »

TFNC YAIBUKA MSHINDI WA JUMLA MAONESHO YA SIKU YA CHAKULA DUNIANI.

-
Picha
  TFNC YAIBUKA MSHINDI WA JUMLA MAONESHO YA SIKU YA CHAKULA DUNIANI 2020. Waziri wa Kilimo, Mhe. Japhet Hasunga (wa kwanza kushoto) akikabidhi zawadi ya mshindi wa jumla wa maonesho ya maadhimisho ya Siku ya Chakula Duniani kwa mwaka wa  2020 yaliyofanyika kitaifa mkoani Njombe kwa Bi Adeline Munuo kutoka  Taasisi ya Chakula na Lishe Tanzania, mara baada ya Taasisi hiyo kuibuka mshindi wa Jumla katika maonesho hayo yaliyofanyika katika Viwanja vya Lunyanyo mkoani humo. Afisa Lishe Mtafiti Mwandamizi kutoka Taasisi ya Chakula na Lishe Tanzania Adeline Munuo, akiwa pamoja na wafanyakazi wengine wa Taasisi hiyo, wakishangilia mara baada ya kupokea tuzo ya Ushindi wa jumla ya  Maonesho ya Maadhimisho ya Siku ya chakula Duniani kwa mwaka wa 2020 kutoka kwa Waziri wa kilimo Japhet Hasunga (Mwenye suti nyeusi), ambaye aliitimisha maadhimisho hayo, ambayo kitaifa yamefanyika mkoani Njombe. Afisa Lishe Mtafiti wa Taasisi ya Chakula na Lishe Tanzania Elizabeth Lyimo, akifurahi ushindi wa Taasi
Endelea Kusoma »

WANAFUNZI WANYWE MAZIWA SHULENI-UMMY MWALIMU.

-
Picha
  WANAFUNZI WANYWE MAZIWA SHULENI-UMMY MWALIMU. NA, TFNC DODOMA. Waziri wa Afya, Maendeleo ya Jamii, Jinsia, Wazee na Watoto Ummy Mwalimu amesema atamwandikia barua Waziri wa Elimu, Sayansi na Teknolojia, Profesa Joyce Ndalichako kutoa pendekezo kuanzia Septemba Mosi Mwaka huu, Kila shule ya Msingi na Sekondari iwe na kibanda cha maziwa kwa ajili ya wanafunzi kupata lishe. Kauli hiyo aliitoa Jijini Dodoma wakati wa uzinduzi wa siku ya Lishe Kitaifa ambayo kwa mara ya kwanza maadhmisho ya siku hiyo yanafanyika nchini yakiratibiwa na Taasisi ya Chakula na Lishe Tanzania kwa kushirikiana na Wizara ya Afya, Maendeleo ya Jamii, Jinsia, Wazee na Watoto pamoja na wadau wengine wa Lishe nchini. Waziri Ummy alisema kuanzisha vibanda vya maziwa shuleni hasa shule za kutwa, kutasaidia wanafunzi kuboresha afya zao, lakini pia kutasaidia kupanua soko kwa bidhaa hiyo muhimu. Waziri wa Afya, Maendeleo ya Jamii, Jinsia, Wazee na Watoto Ummy Mwalimu, pamoja na Naibu katibu Mkuu TAMISEMI (Afya)
Endelea Kusoma »