MLONGAZILA YAADHIMISHA MIAKA 200 YA TAALUMA YA UUGUZI

-

Mloganzila yaadhimisha miaka 200 ya taaluma ya uuguzi

Hospitali ya Taifa Muhimbili-Mloganzila katika kumbukizi ya siku ya wauguzi duniani imewapongeza wauguzi kwa kutoa huduma bora za afya kwa wagonjwa lengo ikiwa ni kuonyesha kuwa inatambua na kuthamini mchango wa wauguzi katika kuihudumia jamii.

Maadhimisho hayo hufanyika Mei 12, kila mwaka ambapo mwaka huu yana kauli mbiu isemayo “Wauguzi sauti inayoongoza kwa dunia yenye Afya”.

Akizungumza wakati wa maadhimisho hayo, Kaimu Naibu Mkurugenzi Mtendaji wa Hospitali ya Taifa Muhimbili-Mloganzila, Dkt. Julieth Magandi amewapongeza wauguzi kwa kuwa mstari wa mbele kwa kutoa huduma bora za afya huku wakizingatia kanuni na taratibu zilizowekwa na taaluma hiyo.

 “Nawapongeza sana kwa kumbukizi ya miaka 200 ya taaluma ya uuguzi tunatambua na kuthamini mchango wenu kwa kuwa mstari wa mbele katika kutoa huduma huku mkijali utu, taaluma hii ni ya muhimu sana na mnaweza kuwa mmejionea jinsi hospitali inavyoendelea kufadhili masomo kwa wauguzi mbalimbali wanaojiendeleza ili kuboresha utoaji huduma katika hospitali yetu” amesema Dkt. Magandi.

Kaimu Naibu Mkurugenzi Mtendaji Hospitali ya Taifa Muhimbili-Mloganzila, Dkt. Julieth Magandi akiwapongeza wauguzi wakati wa maadhimisho ya siku ya wauguzi duniani

Kwa upande wake Kaimu Mkurugenzi wa Huduma za Uuguzi wa MNH-Mloganzila, Sr. Redemptha Matindi amewaeleza wauguzi kuwa taaluma ya uuguzi ni taaluma inayohitaji upendo, utu, heshima, kujali na kujitoa ili kuwapatia wagonjwa huduma stahiki bila kujali uwezo au uofauti wa kipato.

Katika kuadhimisha siku hii wauguzi katika Hospitali ya Taifa Muhimbili-Mloganzila walikata keki na kuwasha mishumaa ikiwa ni alama ya kuwakumbusha kuendelea kutoa huduma kwa upendo, ukarimu, uvumilivu na kujali utu.

Wauguzi wakiwa wamewasha mishamaa ishara ya upendo, uvumilivu, heshima, ukarimu na kujitoa katika taaluma hiyo.



Maoni

Chapisha Maoni

Machapisho maarufu kutoka blogu hii

MATOKEO YA UTAFITI WA HALI YA LISHE YA WANAFUNZI SHULE YA MSINGI YATOLEWA

-
Picha
Taasisi ya Chakula na Lishe Tanzania kwa kushirikiana na Mpango wa Taifa wa Kudhibiti Malaria imetoa matokeo ya utafiti wa hali ya lishe ya wanafunzi wa Shule za Msingi uliofanyika mwaka 2021 na kuhusisha mikoa 26 ya Tanzania bara. Utafiti huo ulihusisha shule za umma 650 na wanafunzi 64,465 ulilenga kutathimi kiwango cha Maambukizi ya Malaria na Utapiamlo miongoni wa wanafunzi, ambapo katika viashiria vya lishe, utafiti huo umebaini wanafunzi waliopo katika shule za msingi bado wana changamoto nyingi za kilishe zinazowakabili. Akiwasilisha taarifa za utafiti huo kwa wadau mbalimbali wa lishe kutoka Idara za Serikali, Mashirika ya Kimataifa, wadau wa maendeleo, asasi za kiraia na wadau wengine, Afisa Lishe Mtafiti kutoka Taasisi ya Chakula na Lishe Tanzania Dkt.Geofrey Mchau, amesema wameweza kubaini wanafunzi wengi bado wana lishe duni, uzito uliopungua, uzito uliokithiri na upungufu wa damu kwa kiwango kikubwa. Dkt. Mchau amesema utafiti huo umebaini pia mazingira mengi yanayozun
Endelea Kusoma »

TFNC YAIBUKA MSHINDI WA JUMLA MAONESHO YA SIKU YA CHAKULA DUNIANI.

-
Picha
  TFNC YAIBUKA MSHINDI WA JUMLA MAONESHO YA SIKU YA CHAKULA DUNIANI 2020. Waziri wa Kilimo, Mhe. Japhet Hasunga (wa kwanza kushoto) akikabidhi zawadi ya mshindi wa jumla wa maonesho ya maadhimisho ya Siku ya Chakula Duniani kwa mwaka wa  2020 yaliyofanyika kitaifa mkoani Njombe kwa Bi Adeline Munuo kutoka  Taasisi ya Chakula na Lishe Tanzania, mara baada ya Taasisi hiyo kuibuka mshindi wa Jumla katika maonesho hayo yaliyofanyika katika Viwanja vya Lunyanyo mkoani humo. Afisa Lishe Mtafiti Mwandamizi kutoka Taasisi ya Chakula na Lishe Tanzania Adeline Munuo, akiwa pamoja na wafanyakazi wengine wa Taasisi hiyo, wakishangilia mara baada ya kupokea tuzo ya Ushindi wa jumla ya  Maonesho ya Maadhimisho ya Siku ya chakula Duniani kwa mwaka wa 2020 kutoka kwa Waziri wa kilimo Japhet Hasunga (Mwenye suti nyeusi), ambaye aliitimisha maadhimisho hayo, ambayo kitaifa yamefanyika mkoani Njombe. Afisa Lishe Mtafiti wa Taasisi ya Chakula na Lishe Tanzania Elizabeth Lyimo, akifurahi ushindi wa Taasi
Endelea Kusoma »

WANAFUNZI WANYWE MAZIWA SHULENI-UMMY MWALIMU.

-
Picha
  WANAFUNZI WANYWE MAZIWA SHULENI-UMMY MWALIMU. NA, TFNC DODOMA. Waziri wa Afya, Maendeleo ya Jamii, Jinsia, Wazee na Watoto Ummy Mwalimu amesema atamwandikia barua Waziri wa Elimu, Sayansi na Teknolojia, Profesa Joyce Ndalichako kutoa pendekezo kuanzia Septemba Mosi Mwaka huu, Kila shule ya Msingi na Sekondari iwe na kibanda cha maziwa kwa ajili ya wanafunzi kupata lishe. Kauli hiyo aliitoa Jijini Dodoma wakati wa uzinduzi wa siku ya Lishe Kitaifa ambayo kwa mara ya kwanza maadhmisho ya siku hiyo yanafanyika nchini yakiratibiwa na Taasisi ya Chakula na Lishe Tanzania kwa kushirikiana na Wizara ya Afya, Maendeleo ya Jamii, Jinsia, Wazee na Watoto pamoja na wadau wengine wa Lishe nchini. Waziri Ummy alisema kuanzisha vibanda vya maziwa shuleni hasa shule za kutwa, kutasaidia wanafunzi kuboresha afya zao, lakini pia kutasaidia kupanua soko kwa bidhaa hiyo muhimu. Waziri wa Afya, Maendeleo ya Jamii, Jinsia, Wazee na Watoto Ummy Mwalimu, pamoja na Naibu katibu Mkuu TAMISEMI (Afya)
Endelea Kusoma »